Schorsch's Schwabenblog

Mit ganz viel Tatendrang ond Schaffensdrang isch dr Schorsch zrück in seiner Redaktionskemenate. Was für a Freud’, so viele guate Wünsch send uff em Schreibtisch gläge, für dia’r sich ganz herzlich bedankt. A Gschenkle zu Weihnachta isch au drbei gwä – von seinr Lieblingsleserin Doris aus Spielberg. Liabe Leut, was soll dr Schorsch sage? Hât doch di bekennende Mundartfreundin sich […]

Des isch für dies Jâhr dr letzte Schorsch, weil der Kerle muss a bissle durchschnaufa. Damit’ abr net uff Entzug kommat, hat’r für Euch jetzt a bsondera Text gfonda – ondr dem schwenglischa Motto „Schwäbisch für Run-Aways“: Henner Henna? Henna hemmer. Henner Henna henna? Henna hemmer henna. Henner Henna au drussa? Henna hemmer au drussa. Also henner Henna henna ond […]

S’isch Wentr worda, ganz leis, fascht über Nacht. Grad schee isch’s, wenn mr net grad mit seim Göpl durch Landschaft fahra muas. Ond wia schee, grad jetzt fällt am Schorsch des Liadle „Es schneialet, es beialet, es gâht a kaltr Wend“. Ach wie fetzig hât des dr seelige Wolle Kriwanek 1981 intrpretiert. Doch was hoißt eigentlich „beialet“? Was macht mr […]

Es send räse Zeita für dia Regierongspolitikernde (dr Schorsch isch natürlich gendergerecht) em Bund. Dia schuldatechnische Trickserei wird dene jetzt om d’Ohra gschlaga. Dr Schorsch übrlegt, ob’r net, dia Trickserei au für sich nütza kennt, weil er dät sich scho sei ganz Leba lang a Autole aus Zuffahausa wünscha. Also könnt’r sich nächst Jâhr so a Wägele kaufa ond dät […]

Bekanntlich send mir Schwâba, wenn’s om jedliche Richtongsâgâbe gâht fascht scho ohvrschämt genau. Es muss also für älle Auswärtige a Freud sei, wenn mr nâch em Weg frâgt. Jetzt a paar Âgabe: Dânuff (hier nach oben), ondadronda (unten drunten), dâmiddlanei (hier mitten hinein), nondr, niebr ond firre – send jâ fast selbsterklärend. Weitr gâht’s mit dâhanna (hier, da dort), dâdromma […]

Heidanei, des isch jetzt seit Februar 2015 genau di 360-igste Kolumne vom Schorsch, samstichs en der Bietigheimer, Sachsenheimer, Bönnigheimer Zeitung. Dâ wird’s am Schorsch ganz warm oms Herzle, wenn drübr nâchdenkt, wia lang seine Leser ehm jetzt folgat, ond emmer wieder ehn uff neue Idee brengat für „Dr Schorsch vrzählt“. Wia etwa di Doris aus Spielberg, di am Schorsch emmer […]

Es isch so a Sach’, wenn mir Schwâba moinat mir müsstet ons en dr Luther-Sprâch vrsucha, weil „ich habe mir die hochdeutsche Sprache so angewöhnt, dass i se nemme lau lassa kâ.“ Schriftsprâcha-Schwäbisch hât also so einige Fallstrick’, wie etwa die Frâg; „Warum henken Sie den Riassel so herunter“ odr „können Sie mir dees in eine Gugg neitun“. Au Höflichkeita […]

Jetzt henn mr’s âmol wiedr schwarz uff weiß. Em Juli hât die Sprâchlern-Plattform „Preply“ 1000 Fraua ond Kerle em Altr zwischa 16 und 65 Jâhr nâch dem obeliebtesta Dialekt befragt. Dr Spitzareitr mit 37,6 Prozent isch Sächsisch, abr na kommet glei mir mit 19,3 Prozent vorm Bairischa (18,6 Prozent). Dät’s dia Konkurrenz aus Sachsa net geba, nâ wär onsre wundrbare […]

S’isch halt so, mir Schwâbe sind ab bissle vrstockt ond gelegentlich au hählenga uff dr Welt. Des hoißt, so Manches machet mr, ohne dass mr’s an dia groß’ Glock’ hängat. Â bsonders Beispiel henn mr jetzt im nördlicha Toil von onserm Landkreis Stückle für Stückle mitkriagt. Dâ henn dia Obere von ra Weigärtnergschnossaschaft gmoint, mr sott aus zwoi Standort oin […]