Nr. 360 Dr Schorsch vrzählt vom 3. November 2023
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Heidanei, des isch jetzt seit Februar 2015 genau di 360-igste Kolumne vom Schorsch, samstichs en der Bietigheimer, Sachsenheimer, Bönnigheimer Zeitung. Dâ wird’s am Schorsch ganz warm oms Herzle, wenn drübr nâchdenkt, wia lang seine Leser ehm jetzt folgat, ond emmer wieder ehn uff neue Idee brengat für „Dr Schorsch vrzählt“. Wia etwa di Doris aus Spielberg, di am Schorsch emmer âmol ganz scheene Briaf uff gelbem Papier ond en ra wondrbarer Handschrift schickt. Dankschee drfür. Es isch jâ scho ebbes Besonders, dass so schwäbische Gschichtla so lang scho glesa werdet. Weil send mr âmol ehrlich: Ganz am Âfang hât mir Mickey-Maus- ond Fix-und-Foxi-Heftla glesa, na send’s dia von Asterix ond Obelix gewä, nâ d’Bravo ond Pop, später dann dr Focus, Stern odr Spiegel bis ma na dann beim Playboy (net wega dr Gschichta, sondern wege de Bildle) glandet isch – zom Schluss liest mr jetzt Apotheken-Rundschau.
 guate Woch’ ond em Herrgott sein Sega.