Onsr schwäbische Sprâch isch emmr wiedr an Ausdruck von Formulierkunst ond Sprachgewalt. Vor a paar Tag isch a jüngers Paar mit seim mendestensch 60 Jâhr altem Agria-Einachschlepperle mittla uff dr Strâß standblieba. „S’lauft nemme, des Glomb isch heh, des kâ’sch fortschmeiße“, hât dr Fahrer komplett frustriert festgestellt. Was für a Freud’ a paar spätr, wia…
Dr Umlaut „ü“, der gâht eigentlich gar net übr onsre schwäbische Lippa. So dehn mir ons au schwer mit dem entschwischa üblicha „Tschüss“ ond saget liabr „Ade“. Gschickt, wia mir send, omschiffa mr also sprâchlich des „ü“. Oft nemmat mir oifach a „i“ statt dem „ü“, bei dem mr â ganz spitzes Mündle macha muss:…
Heut’ hoißt’s Obacht, weil heut’ isch dr Siebaschläfertag. So wia’s heut’ isch, so soll’s nâ au en de nächste sieba Wocha werda. Nâch de Vorhersaga für dr 27. Juni müssa mr ons also in de kommende Juli- ond Augustwocha ganz schö „warm âzieha“ – hoißt em Klartext: s’gâht weitr mit dr Bullahitz ond mir müsset…
Mir Schwâbe „gendern“ net, uff koin Fall. Aber mir send großzügig gegaübr dem Hochdeutscha, wo viele Wörtr a anders Gschlecht henn, wia bei ons. Des isch net bloss bei ons so, sondern auch im Bairisch-Österreichischa ond em Alemannisch-Südbadisch-Schweizerischa. Bei ons hoißt’s dr Radio, dr Tunnel, dr Zaiha, dr Schoklad’, dr Heuschreck’ ond selbstverständlich dr Buttr….
Ach wia prächtig isch die jetzige Zeit, weil grad jetzt die Brästling zom Nascha lockat. Brästling, welche herrliche Bezeichong em Schwäbischa für Erdbeera (dia übrigens botanisch gar koine Beera send, sondern a Sammelnussfrucht, weil die kloine gelbe Bröckela uff dr rota Außeseit’ send nämlich echte, kloine Nüssla). Natürlich stellt sich jetzt die Frag’, woher kommt…
Mr bsennt sich emmer weniger uff des, was ons Schwâbe ausmacht. Des isch schad’ ond deshalb soll hier âmol die „Württembergische Hymne“ zom Nâchlesa standa. Verfasst hât „Der reichste Fürst“ dr Justinus Kerner 1823: „Preisend mit viel schönen Reden Ihrer Länder Wert und Zahl, | Saßen viele deutsche Fürsten | Einst zu Worms im Kaisersaal….
Heidanei, wia die Zeit wiedr âmol drvo rennt. Heut’ isch Ostern scho wiedr 35 Tag zrück, weil am Donnerstag isch Hemmelfahrt, ond von Ostra bis Hemmelfahrt dauerts emmer 40 Tag, ond nâ send’s no zeh Tag bis Pfingsta. Heidanei, wia die Zeit drvo rennt. Ond s’isch nächsta Donnerstag net bloss Hemmelfahrt, sondern s’isch au Vatrtag….
Heut gâht’s om a Fondstück aus em Internet. S’gâht om ebbes, was jedr kenna kennt – om an Bäbber: „A Bäbber isch a Toil, was henta druff bäbbig isch. Abr uffpasst, nett älles, was hentadruff bäbbig isch, isch au a Bäbber. Isch’s vorne druff bäbbig, isch’s dreckig, aber koin Bäbber. Abr an Bäbber kâ au…
Zom heutiga „Tag der Zeitungskolumnisten“ hât sich dr Schorsch denkt, vielleicht kennt’r âmol a kloine List’ mit prächtige schwäbische Schempfwörtr uffschreibe. Jessasnoi, des kâ oin scho a bissle übrforda, weil’s so saumäßig viele gibt. Also a vollständige List’ wird’s uff koin Fall geba. Vielleicht vrmisst dr Oine od dia Andre a Schempfwort, nâ därf des…
Was isch eigentlich mit den Leut’ los. D’Sonn’ schein ra wia vrrückt ond uff de Wiesa ond de Gärta, dâ blüht’s, dass oim’s Herzle hopfa kennt. Ond die Leut’ werdat emmer narrischr, grad beim Eikaufe – em Suprmarkt, mit Eikaufswägala. Mr kâ’s kaum glauba, wia mit dene Wägala, besonders, wenn se schwer belade sind, randaliert…
