Dr Schorsch mâg dr Karfreitag. S’gibt koine uffgregte Vranstaltongen, mr kommt zur Ruh’ – ond mr macht traditionell Maultasche. Des prächtig-schmackhafte schwäbische Kleinod, om des sich entzwischa so viele Mythen rankat. Historiker widersprechat jâ entzwischa dr Theorie, dass Mönch em Kloster Maulbronn en dr Fastazeit dr Herrgott bschissa henn, weil se s’Fleisch em Nudltoig vrsteckt…

Jetzt wird’s ernst. Dr Schorsch war emmer dr Moinong, sei Schwäbisch wär a oigne Sprâch. Pfeifadeckl. Jetzt hât’r lesa müssa, dass der Onderschied zwischa „Sprache“ ond „Dialekt“ oft net rein sprâchlich definiert wird, sondern au politisch odr kulturell. Des hoißt scheint’s: „Eine Sprache ist ein Dialekt mit einer Armee und einer Flotte.“ Au weil Schwäbisch…

Heut isch für dr Schorsch wiedr a Festtag. Heut, am 21. Februar, wird dr Tag dr Muttrspâch weltweit gefeiert, ond weil Schwäbisch tatsächlich â oigaständige Sprâch isch, gibt’s älle Grund di heut hochleba zom lasse. Des Institut dr Deutscha Wirtschaft (IW) hât nâchzählt. Laut IW gibt’s momentan 7186 Muttrsprâcha uff dr Welt. Bedenklich isch, dass…

Es isch Faschingswochenende ond dr Schorsch frâgt sich, ob’s guat isch, dass’r en ra evangelischa Gegend lebt, wo mr koi ausschweifende katholische Fasnet feiert. Also bleibt’s Häs, was’r net hât, em Schrank, ond narret wird dr Schorsch bloss, wenn heut’ sei Lieblingsveroi mit dem rota Brustreng gegen die Karnevalsjecken aus Köln net gwennt. A bissle heitre…

Onsr schwäbische Sprâch isch scho ebbes Besonders ond so herrlich lautmalerisch. Oft kommt des dâher, weil mr etliche französische Bezeichnonga ganz oifach ens Schwäbische übrtrage henn. Wer kennt net dr Blaffo (französisch Plafond; Zimmerdecke), des Biffe (Buffet; Geschirrschrank) odr dr Troddwar (Trottoir; Gehweg). A bissle schwierigr wird’s mit’m Vrständis von dene Fisimadenda (Visitez dans ma…

Dia Leut dehn mr loid, wo net mit dr schwäbische Geburt gsegnet send. Trotzdem solltet se au di vrmeintliche Missvrständnis onserer schwäbischa Sprâch vrstabda könna. So isch „Heb Dein Rock“ uff koin Fall di Ufforderong, den Rock hochzuziehen, sondern isch di Fürsorge, dass der Rock, wenn’s stürmt net hochflattert, ond deshalb festghalte werde sott. Wenn…

Natürlich isch onsr schwäbischr Dialekt bekannt für seine schöne, einschmeichelnde Wörtr ond Formulieronga. Eher wenigr selta ond gar oft müssat mr au onser Omuat rauslassa, ond dâdrfür hemmr ganz schneene Beleidonga. Für alle Fäll’ hât dr Schorsch a kloine – weitgehend alphabetisch zsammagestellte – Sammlong für solche Gelegaheita: Allmachtsbachl, Bronzkachl, Dollwegg, Erbsazählr, Fiedlagsicht, Gsälzbär, Heckabeerlesbronzr,…

Die Zeit uff em Schäslo isch jetzt vorbei ond weil’s no knapp nâch Dreikönig isch, dät dr Schorsch älle seiner Leser „A guat’s Neu’s“ wünscha. Weil’r jâ recht wondrfitzig, hât’r âmol wieder em Internet gruschdeld ond isch fündig worda mit ra riesige Sammlong von schwäbische Wörtr, dia mr heut fascht nemme kennt. So hât mr…

Henner scho an schöna Christbaum? Wenn ja, nâ wird’s Zeit, dass’r au gnuag Schnaps em Haus henn. Weil oi’nr von de schönste Bräuch’, dia dr Schorsch kennt, isch s’Christbaum-Loben. Also freuat Euch, wenn dr Nâchbar klingelt. Lasset ihn rei, zeigat euern Baum, wartet bis dr Christbaum globt wird ond dann holat dr Schnaps raus. Diese…

Wer erinnert sich no an seine Fahrstonda? Naja, koi vrgleich zu heut’, weil wia mr damâls für die erscht Fahrstond sich henter’s Steuer vom VW-Käfer ghockt hât, lässig dr Innaspiegl eingestellt hât, no lässigr am Schaltknüppl gespielt hât, om dr Leerlauf einzomlega ond Seitascheiba für dr Ellaboga nondrkurbelt hât, war’m Fahrlehrer sofort klar: „Aha, wiedr…