Schorsch's Schwabenblog

Reigschmeckte denkat jâ s’isch anders, abr en Wirklichkeit send Schwâbe recht kommunikative Leut’. Bsonders, wenn se ebes brauchat. Dr Schorsch hât sich jâ jetzt em Altr, seim Altr entsprechend, a historisch’s Wohnmobil gönnt. Au om das Schwäbisch ens deutsche Ländle nauszomtrage. Ond jetzt isch’r a paar Tag em wondrschöna Dresden gwä. Knapp 500 Kilometer hât oi Strecke ausgmacht, ond di […]

S’fällt’m durchaus schwer, abr heut muss dr Schorsch doch tatsächlich di Ampel-Regierong loba. Dia Mädla ond Buaba en Berlin setzta sich drfür ei, dass dia Obst- ond Gartenbauvrei an Zukunft henn ond drbei sich ganz entspannt ond lässig zrücklega könnet. Wia des? Mr hât gestern lesa könna, s’dät jetzt ebbes werda mit dr Freigab’ von Marihuana. Des freut sicherlich net […]

Dialekt ond ganz bsonders onsr Schwäbisch macht des Leba doch so viel oifachr. Worom? Weil mr en onsra Mundart net „gendern“ kennat, selbst wenn mr’s wellat, wobei mit des gar net wellat. Drbei empfiehlt so â Sprâchpolizei-Internet-Seit’ doch tatsächlich mr sott „Person aus Schwaben“, „schwäbische Person“, „in Schwaben wohnende Person“, „aus Schwaben stammende Person“ odr „in Schwaben lebende Person“ schreiba […]

Ach, no so guat erinnert sich dr Schorsch an dr Wolle Kriwanek, wia dr liebenswerte Freind ond Musikr vor viele Jâhr beim ma Ufftritt uff Wörtr, dia vom Publikum zuagrufa worda send, wild reimend an Blues gsonga hât. Drbei isch aus dem Wörtle „Knoblauch“ di Zeile rauskomma: „Dâ nemsch an Kobel, nâ kriag’sch so sooo an Hobel.“ Wia au emmr, […]

Jetzt send’s bloss no 36 Tag, odr 864 Stonda, odr 51 840 Minuten, wo mr sich kasteia muss. So lang dauert di Faschtazeit bis zom Ostrsonntich. Jetzt dät dr Schorsch doch âmol interessiera, wia andre Leut, wo faschta, sich grad fühlat. Guat, befreit, erleuchtet, herausragend, schlapp, miad, grätig? Dr Schorsch fühlt sich übrragend, weil’r „Ananas-fastet“. Des hoißt, er därf älles essa – […]

Menschenskend, jetzt wird’s abr ernscht mit onserm Dialekt. S’hât doch tatsächlich a paar Landtagsabgeordnet braucht, drmit an Dachverband für Dialekt en Ländle gründet wird. Wia’s hoißt send me wia 50 Leut’ aus Dialekt- ond Mundartvroi, aus der Dialektforschung sowie Künstlr, dia sich mit dr Muttrsprâch bschäftiga, drbei. Nâ, dâ isch dr Schorsch doch recht froh, dass’r seit Februar 2015 – also […]

Jetzt standet dia Hochtag’ für älle Faschingsnarra â. Irgendwia isch dr Schorsch froh, dass’r sich eher net vrkloidet. Weil, dâ kâsch wirklich viel falsch macha ond dr ganz scheena Krach eifanga. Alloi die Uffregong en dera Woch’, weil a Heilbronnr Bäcker uff sei Fasnetsküchle witzige Figürla druff bäbt hât ond dia zom Toil wia I…….r mit ma Fedrschmuck odr N…r […]

Dia ganz Saiso’ hât’s sich dr Schorsch vrkniffa, sich mit dene Cannstattr Kickr öffentlich zom beschäftiga. Abr jetzt muas es raus, sonscht vrreißt’sn. So a kloine Hoffnung hât’s em Wentr geba, wo dene Dubelr âmol s’Laufa beibrâcht worda isch. Wenn mr schon net mit ma Ball omganga kâ, nâ sott mr wenigschtens kämpfe bis oim Zong uff dr Boda nahängt. Hât’s […]

Pfui Deifel, sagt dr Schorsch, lernt Latein ond kauft sich a stärkere Lesebrill’. Wer kennt „Acheta domesticus“ odr „Alphitobius diapernius“? Da sott mr sich abr schlau macha, denn Hausgrilla odr Getreideschimmelkäfer dürfet laut de europäische Grasdackel en Lebensmitteln neischaft werda. Klar muss des uff dr Vrpackong standa, abr dia Inhaltsstoff’ send so kloi druckt, dass dr Schorsch net bloß a stärkere […]

Des Wettr macht dr Schorsch trüabsinnig. Koin richtigr Wentr, nasskalt, ohgmüdlich – so viel Tee mit Rum ka’sch gar net trenke, dass des erträglich wird. Beim Blick uff d’Bauraregla kâ’s oim Angst ond Bang werda: „Anfang und Ende vom Januar zeigen das Wetter für ein ganzes Jahr.“ Mr muas scho lang sucha bis nâ ebbes fendet, wo Hoffnong macha dät: […]