Nr. 364 Dr Schorsch vrzählt vom 9. Dezember 2023
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Des isch für dies Jâhr dr letzte Schorsch, weil der Kerle muss a bissle durchschnaufa. Damit’ abr net uff Entzug kommat, hat’r für Euch jetzt a bsondera Text gfonda – ondr dem schwenglischa Motto „Schwäbisch für Run-Aways“: Henner Henna? Henna hemmer. Henner Henna henna? Henna hemmer henna. Henner Henna au drussa? Henna hemmer au drussa. Also henner Henna henna ond drussa? Hemmer. Henner meh’ Henna henna odr Henna meh’ drussa? Des kommt druff â, wo dr Gockeler isch. Wenn dr Gockeler drussa isch, send no d’Henna henna? Noi, dia meischte Henna send drussa. Ond dia Henna, wo henna send, worom send dia Henna henna ond net drussa? Weil uff dene Henna drussa scho dr Gockeler druff hockt isch, send dia Henna henna. Â scheene Adventszeit ond em Herrgott sein Sega, ond basset uff: „Advent, Advent ein Lichtlein brennt. Erst ois, dann zwoi, drei, vier – ond wenn’s fünfte Lichtle brennt, nâ hâsch Weihnachta verpennt.
 guate Zeit ond em Herrgott sein Sega.