Schlag 10.01 Uhr am Donnerstâg isch’s gwä, plötzlich henn mr Frühleng. Wenigstens kalendarisch. Wia bstellt hat’s doch tatsächlich übr 20 Grad ghet ond am Freitag hât’s na a bissle Saharastaub geba. Bloss heut’ ond am morgia Sonntich gâht’s temperaturmäßig scho wiedr dr Keller nâ. Mir nemmat’s wia’s kommt, schließlich könnat mr’s eh’ net ändra. Dass…

Di schwäbische Küch’ isch bekannt für etliche Schmankerl, wia Maultasche, Lensa mit Spätzla ond Saita odr Pfitzuff (einige erinnret sich sicherlich an dia Leserrezept). Doch frâg am Besta nia a Schwâb, was es denn zom Mittagsessa gäba dät. Dia Antworta vom Schorsch seim Opa send nâ emmer gwä: Gfüllta Hond mit Spätzle odr Grüna Salat…

Dr Fasching isch vorbei, mr sott fasta ond sich uff’s Leba konzentriera. Bloss, wenn mr den Vorentscheid zom Eurovision Song Contest gseah ond ghört hât, nâ wirsch doch glei wiedr ganz narrisch. Was für a unendlich’s Glück hât doch dr Schorsch gkeht, dass’r en de 1970er-Jâhr sei musikalische Erweckung erlebt hât. Natürlich ghörat Queen, Led…

S’wird schwierig. Dass dr Schorsch scho lang en dr aluminium-blonda Phase âkomma isch, des isch hinlänglich bekannt. Jetzt hât’r a neue Eskalationstuf’ des Ältrwerdens festgstellt. Er isch jetzt em Lebensbereich glandet, wo bei de Pullöverle des Vrhältnis von Körpromfang ond Ärmllänge nemme stemmt. Des hoißt, wenn’s am Ranza net spanna soll, send Ärmel z’lang. Doch…

Mr kâ’s kaum für möglich halte, abr des weltweite Netz isch zwar selta, abr emmerhin gelegentlich â Ort der Inspiratio ond von kluge Eifäll. So hât sich so a (schwäbisch’s) Internet-Käpsele doch tatsächlich Gedanka gmacht, was denn des inoffizielle Wappatier für ons Schwâbe sei könnt – ond uff was isch’r komma? Uff s’Weinbergschneckle. Seine Argument…

Dr Schorsch hât jetzt a Liste von ra Schwäbin gefonda, en dera di sich di Müh’ gmacht hât, om die schwäbische Zeiteiheita festzomhalta. Dânach isch „Jetzedle“ oi Minut’, „Glei“ bedeuted fenf Minuta ond „Bald“ 30 Minuta. Bei oinr Stond schwätzt mr von „Nâcher“ ond bei vier Stonda von „Spätr“. Wenn mr vom ma Schwâb die…

Wer kennt ihn net, den Slogan der Deutscha Post „die Aktie des kleinen Mannes“. So send viele animiert worda di Briefmarka-Erstagsblättr zom kaufa. Natürlich hât au dr Schorsch so a Abonnement abgeschlossa. Am Sonntich hât dr Schorsch beim Kurschtla sei Sammlung mit Erstagsblättr wiedr gfonda hât. Von 1985 bis 1996 hât’r des Abo ghet ond…

Was für vrückte Zeit dehn mir grad vrleba. Ois vom Schorsch seine Lieblingsessa en seiner Kindheit send Gelbe Rüba ond Brockela mit Flädle gwä. Natürlich ist des Gmüs aus dr Dosa gewä ond fei mit ra Mehlschwitz vrfeinert worda. Heut’ mâg’r des emmer no, abr – a bissle Faulheit muss sei – kommat die Gelbe…

Nâch’m Dreikönigstag wünscht mr jâ koi „Guat’s Neu’s“ meh. Abr Nâchfrâge nâch de guate Vorsätz des gâht no. Ond wia sieht’s aus? Treibet’r no meh Sport? Was macht di Diät, bleibt’s beim weniger Alkohol ond henn’r au mit dem Raucha uffghört? Ich hoff’ doch, dass dia Vorsätz übr dr 11. Januar hinaus durchghalta werde könnet,…