Nr. 392 Dr Schorsch vrzählt vom 25. Januar 2025

Was für vrückte Zeit dehn mir grad vrleba. Ois vom Schorsch seine Lieblingsessa en seiner Kindheit send Gelbe Rüba ond Brockela mit Flädle gwä. Natürlich ist des Gmüs aus dr Dosa gewä ond fei mit ra Mehlschwitz vrfeinert worda. Heut’ mâg’r des emmer no, abr – a bissle Faulheit muss sei – kommat die Gelbe Rüba ond Brockela aus dr Tiefkühltruhe, schonend eigfrora ond no mit ganz viel Vitamin’ ond ganz schee gelb ond grün. (Des mit de Voitamin’ hofft dr Schorsch wenigstens.) Doch was’r jetzt bei so ra Kochsendong am hellichte Mittag geseah hât, des spottet eigentlich jedr Beschreibung. Weil die Sterne(?!)-Köchin hât die gelbe Rüba mit ma Kartoffelschälr en ganz feine Stroife gschnitte ond im Hafa karamellisiert. Sonst nix. Idealerweise – so die Vermutong vom Schorsch – werde dia dann no mit Karotta ond Möhra elegant dekoriert. Ois isch klar, sieht bestimmt schee aus, satt wirsch da sicherlich net.
 guate Woch’ ond em Herrgott sein Sega, Euer Schorsch.