Nr. 361 Dr Schorsch vrzählt vom 18. November 2023
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Bekanntlich send mir Schwâba, wenn’s om jedliche Richtongsâgâbe gâht fascht scho ohvrschämt genau. Es muss also für älle Auswärtige a Freud sei, wenn mr nâch em Weg frâgt. Jetzt a paar Âgabe: Dânuff (hier nach oben), ondadronda (unten drunten), dâmiddlanei (hier mitten hinein), nondr, niebr ond firre – send jâ fast selbsterklärend. Weitr gâht’s mit dâhanna (hier, da dort), dâdromma (da drüben), dâ lengs nomm (da nach links abbiegen), gradnomm (direkt gegenüber) odr hendadona (hinten ganz unten). Net zom vrgessa drommromm (rund herum, in der Nähe), zerscht (zuerst), drnäba (daneben) ond rommzuas (auf dem Weg herüber) muas mr uffpassa, dass mr net rahagla duat (herunterfällt). Dass dr Schwâb, wenn’r ebbes hochkomplizierts gfrâgt wird ond tatsächlich net weitr woiß, en mühevollem Hochdeutsch sagt: „Hintendummendussendaussen“ – des hält dr Schorsch für a übl’s Grücht.
 guate Woch’ ond em Herrgott sein Sega.