Schorsch's Schwabenblog

Dr Schorsch gibt’s jâ zua: Für Neteiheimische, also älle dia, dia net mit der Gnade dr schwäbischa Geburt gsegnet send, isch onsr Sprâch’ scho schwer zom verstanda. Wia soll mr au erklära, dass a Halbdackel viel bleedr isch als a (ganzr) Grasdackel. Am Schorsch erschließt sich bei genauem Übrlega net ganz, wia’r beim Schreiba von Halbdackel uff’s neudeutsche „Gendern“ kommt. […]

Es isch Sommer gwä, ond en dera Zeit wird so manche Sau durch dr Blätterwald triebe. So hât Cem Özdemir, Grünr Landwirtschaftsminischter aus Württemberg mit schwäbische Wurzla, di Idee ghet, Werbong zom vrbiata für Lebensmittl mit viel Zucker, Fett ond Salz. Möglicherweis’ ghörat au dia schwäbische Laugabrezla drzua, wia a CDU-Abgeordnete aus’m Rems-Murr-Kreis messerscharf kombiniert hât, ond prognostiziert dr Brezelondrgang. […]

Ab dr Jahrtausendwende isch’s Allgäu für 15 Jâhr die zwoite Hoimat für dr Schorsch gwä. Jetzt hât’sn nâch acht Jâhr wiedr mâ für a paar Tag dort nâh trieba. Ond was soll mr saga? Es hât sich fast nex vrändert. Dia Alpa sind emmer no hoch, Schloss Neuschwanstein emmer noch schee ond von ohsennig viele Japâner bevölkert, Füssen hât nei- […]

Ach herrjemine, soll dr Schorsch heut’ übr dr Fußball schreiba? Worom au. Dia Bundes-Fußballkickr send grottaschlecht, des woiß mr scho seit Langem. Ond jetzt machets dia Bundes-Fußballkickerinna de Kerle nâch. Vielleicht sottet se beim Kicka ihre Skistiefel gega Kickschuah omtauscha, nâ könnt’s vielleicht irgendwann ebbes werda. Sei’s drom. Au dr Herzensveroi vom Schorsch (der mit dem rota Bruschtreng) bekleckert sich grad […]

Di „allerletztsche Generation“ hât sich drfür entschieda, durch Festbeppa uff dr Strâß’ di Welt zom retta. Sollet se, abr vielleicht könnt’ di Jugendzeit vom Schorsch, sia uff an andra Weg bringa? Dr Schorch g’hört zur Generation, wo no alloi en d’Schul dappt isch ond di ihre Hausuffgâbe no ganz alloi gmacht hat, weil mr ganz schnell uff Gass’ zom Spiela […]

Was für a Freid’. Jetzt hât dr Schorsch a ganz liab’s, en Handschrift gschieba’s Briefle aus Spielberg kriagt – „dem Herzen der Stadt Sachsheim“, wia die 84-jährige Doris schreibt. Sie sei a übrzeugte Schwäbin, gebora en Cannstatt. „Jeden Samstag freu ich mich auf dein Gschichtle in der Zeitung, vor allem natürlich auf des Schwäbische. Manchmal find ich Wörter, die ich […]

Vrsprocha isch vrsprocha – dr Schorsch isch drbei gwä. Meh’ wia drei Dutzend Mundartfreund’, -funktionär ond -aktivista hend sich am Mittwoch im siadighoißa Stuttgartr Kessel em Hospitalhof troffa. Sia henn g’kreist ond was isch rauskomma? Dr DDDBW, ohne irgendoin Bindestrich (net zwischa DDD ond BW, au net zwischa B ond W), was abr durchaus während dem zwei Stond’ und 23 […]

Ganz übrrascht worda isch dr Schorsch jetzt von ra treua Leserin. Weil sie so viel Freud’ an seine schwäbische Kolumna hât, hat se ehm â klois gelbs Magnetle gschenkt ond dâ stâht druff: „Schwäbisch isch seggsie.“ Ach wia herrlich, ond natürlich isch dr Dialekt seggsie. So isch’s jetzt au endlich an dr Zeit, dass em Ländle a Landesverband für Dialekte […]

Heidanei, jetzt wird’s eng für dr Schorsch. Wird’s dr Schorsch au weitr geba? Blödrweis – ond aus übrmäßigr Wondrfitzigkeit – hât sich dr Schorsch bei „ChatGPT“ âgmeldet, dera Internetplattform, wo mr ällerlei Frâge stella kâ ond aus dene di „künstlich’ Intelligenz“ sogar Gedicht’, Witzle, „literarische“ Text verfassa duat. Also was macht dr Schorsch in ra Phas’ von geistigr Omnachtong? Er […]

Dr Schorsch hat sich als Jugendlichr in de 1970er-Jâhr sozialisiert. Des war selbstvrständlich di beste Zeit en dr Musik, mr isch Herkules odr Kreidler gfahra, später – nachhaltig, weil uralt – Ente odr R4 odr Käfer. S’Fundament für’s Leba isch Love, Peace ond Freedom (Liebe, Frieda ond Freiheit) gwä. Dâ drfür isch mr eigstânde, ond hât sich net von dr […]