Nr. 347 Dr Schorsch vrzählt vom 3. Juni 2023

Dr Schorsch hat sich als Jugendlichr in de 1970er-Jâhr sozialisiert. Des war selbstvrständlich di beste Zeit en dr Musik, mr isch Herkules odr Kreidler gfahra, später – nachhaltig, weil uralt – Ente odr R4 odr Käfer. S’Fundament für’s Leba isch Love, Peace ond Freedom (Liebe, Frieda ond Freiheit) gwä. Dâ drfür isch mr eigstânde, ond hât sich net von dr Staatsmacht eizäusla odr gar eischüchtra lassa. Ond heut? S’isch grad zom Heula. Was während de letzte zweieihalb Jâhr möglich worda isch, war in de 1970er net âmol âsatzweis’ vorstellbar. Wia’s Viech vor dr Schlachtbank hât mr di Freiheit oifach hergschenkt.

Offiziell hend se Âfang April Corona für beendet erklärt, abr dia Gängeleia ond Bespitzleonga ganget grad weitr. Mr schreibt ons vor, wia mr Heiza sollat ond – no bessr – jetzt wellet se sogar „gebäudescharf“ dr Energievrbrauch, s’Altr von dr Heizong ond Dämmung vom Haus abfrâge. Ond? Nex! Koi Uffschrei dr Generation „Freedom“!

 wachsame Woch’ ond em Herrgott sein Sega.