Nr. 443: Dr Schorsch vrzählt vom 19. Sepember 2026
Zemlich wonderliche Frâge werdet doch tatsächlich em Internet gestellt. So hât a komischr Zeitgenoss’ danâch gfrâgt, was mr em ma schwäbischa Haushalt uffheba sott, weil mr’s nochmâl braucha könnt.
Dr Schorsch erinnert sich an sein Großvatr, weil der hât an Haufa Kistla, Schachtla ond Kästle ghet, en dene so guat wia älle Sorte von Schrauba mit ond ohne Muttra, Onderlagscheiba, kurze, lange, dicke, schmale Nägel geba hât. Selbstverständlich hât en dem Sammelsurium bloss dr Opa die jetzt brauchte Schrauba oder Nägel gefunda. Jedr Außastehende isch offnunglos übrfordert gwa. Dass die Schrauba mit ond ohne Muttra, Onderlagscheiba, kurze, lange, dicke, schmale Nägel ällesamt komplett vrrostat gwä send, des wird hier bloss am Rand’ âgmerkt. So isch au die oinzig richtig Antwort uff die Frâg’: „Oi Gruschdlschublad muss emma schwäbischa Haushalt do sei ond do kommt ällas nei.“
 guate Woch’ ond em Herrgott sein Sega.
