Nr. 346 Dr Schorsch vrzählt vom 27. Mai 2023
Es isch doch vrückt. Jetzt hât dr Schorsch doch tatsächlich ens aluminium-blonde Altr komma müssa, bis’em uffgfalla isch, das es für zwoi wichtige christliche Fest a Vrbindong zu Viecher gibt: Am Palmsonntag dr „Palmesel“ ond jetzt am Wochenend’ dr „Pfingstochs“. Boides mâl wird derjenige, der am Sonntichmorga net aus’m Nest kommt mit dem Viech tituliert. Nâch dr Bibel gibt’s natürlich koin Vrbindong zom Ochs, ganz em Gegatoil zum Esel, uff dem bekanntlich Christus nâch Jerusalem gritta isch. Ochs ond Pfingsta verbindet allerdings die Tradition, das frühr die Baura des kräftigste Rendviech festlich mit Bänder, Stroh ond Bluma gschmückt henn ond des nâ dr Ufftrieb uff Alm âgführt hât.
Also freuet mir uns uff schöne Pfingsta, am Besta mit Goethe: „Pfingsten, das liebliche Fest war gekommen, es grünten und blühten Feld und Wald; auf Hügeln und Höhn, in Büschen und Hecken übten ein fröhliches Lied die neu ermunterten Vögel.“
 guate Woch’ ond em Herrgott sein Sega.
