Nr. 291 Dr Schorsch vrzählt vom 27. November 2021
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Frei nâch Wilhelm Busch: Fenf Wocha isch dr Schorsch krank gwä, jetzt schreibt’r wiedr, Gott sei Dank. Nâchdem se’m sein widrspenstiga Lugabeutel entfernt hend, hat’r sich jetzt glei uff die Such’ nach besondere Sacha gmacht – ond er isch au fündig worde: Ganz uffgregt hât en dera Woch’ des Deutsche Obstsorten Konsortium vrmeldet, sie häbet an neue Zufallssämling entdeckt: knackig-krisp und ausgwoge süß-säurlich. Ond wia hoißt dr neue Äpfl – „Fräulein“. S’bleibt spannend, wer sich als erschte(r) uffregt.
A guate Woch’ ond em Herrgott sein Sega.