Nr. 316 Dr Schorsch vrzählt vom 9. Juli 2022
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Dia männliche Profikicker trainierat zurzeit wia vrückt für di neu‘ Saison. So isch‘s grad recht, dass onsre Mädla bei dr Weltmeischtrschaft en England ihr Bescht‘s gebat. Ond wia mr scho beim WM-Eröffnungspiel gseha hât, kommat em Muttrland vom Fußball a ganza Haufa Zuschaur en die Stadia. Ond dia Mäda könnet mit dera Ledrkugl perfekt omgânga ond send auch taktisch guat druff. I glaub’ onsre hauat dia Gegner oifach weg ond holat dr Pokal.
Besonders schee isch‘s, dass draußa kuschelig warm isch, ond so kâ mr di Fraua-WM so richtig genießa: guate Stemmong, kühle Getränk‘ ond a grillte Wurst – was will mr meh‘? Dâ wird‘s oim bei dr Vorstellong von dr WM von de Männer em November ganz anders. Weil, wer will schon a Fußballturnier bei hoißem Glühwei odr Tee, en Wenterstiefel, Pudelmütz‘ ond Handschuah mit andre beim „Public Viewing“ em Freia âglotza? Dr Schorsch uff jeden Fall net.
 guate Woch’ ond em Herrgott sein Sega.