Nr. 298 Dr Schorsch vrzählt vom 29. Januar 2022
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Fascht scho feingeischtig isch dr Schorsch mit seine schwäbisch-französische Eilassonga in dr letzschta Woch’ dâher komma. Mit dene viele Kraftausdrück’, dia’s em Schwäbischa gibt, wird’s jetzt als Kontraponkt a bissle grobschlächtigr. Dr Schnâkahuastr (schmächtiger Mensch) send wia dia Furz- odr Entaklemmr ond Pfennigfurzr (Schimpfwörter für Geizhälse) no dia mildere Bezeichnonga. Zom Dackel (plumper oder unbeholfener Mensch) oder Schmalz- ond Grasdackl ond seiner Steigerong Halbdackel wird’s na schon ebbes gröbr. Richtig herb’ wird’s nâ beim Lomapaseggl, Allmachtsbachel odr gar bei dr Arschgeig ond beim Heckaberle odr Heckabronzr (Schimpfname für einen windigen Menschen). So kommet mr ohweigerlich zom Mostriebl ond dr weiblichen Form dem Mostbierle (einfältiger Mensch). Bevor jetzt älle mordio (sehr laut wehklagen) ois von de scheenste Wörtr bei ons: dem Käpsele (schlauer, piffiger Bursche).
 guate Woch’ ond em Herrgott sein Sega.