Nr. 269 Dr Schorsch vrzählt vom 27. März 2021

---

Dr Schorsch hât a großes Glück. Übr vier Enkel därf’r sich freua. Des „Dessert des Lebens“ isch perfekt – bis gestern. Eigentlich hât dr Schorsch gestern seim ältesta Enkel zo seim siebta Geburtstags gratuliera wölla, des Büble herza wella, es mit Geschenkle überrascha wella, Kucha mit’m essa wella. Oifach mit dem Buale a scheena Tag han. Ond was isch passiert? Weil bei dem Buale seine Kamerade oiner an positive Schnelltescht ghet hât, hât mr am Schorsch sein Enkel en Quarantän’ gsteckt. Zwoi Tag vor seinem Geburtstag hât’r no Eiladonga an seine Kamerade vrteilt. Aus ond vorbei. Bereits zom zwoite Mâl därf jetzt dr Siebajährige net sein Geburtstag feiera, was er gar net verschtanda kâ. Mr därf im au net vrzähla, dass es am Donnerstichmorga bei onsere Bundeskicker an positiva Test geba hât, ond dr Amtsschimmel en Duisburg dia Kerle am Âbend trotzdem kicka lassa hât.

A virtuell’s Geburtstagsständle mit Oma ond Ukulele hât’r uff jeden Fall kriagt.