Autor: Schorsch

Dia männliche Profikicker trainierat zurzeit wia vrückt für di neu‘ Saison. So isch‘s grad recht, dass onsre Mädla bei dr Weltmeischtrschaft en England ihr Bescht‘s gebat. Ond wia mr scho beim WM-Eröffnungspiel gseha hât, kommat em Muttrland vom Fußball a ganza Haufa Zuschaur en die Stadia. Ond dia Mäda könnet mit dera Ledrkugl perfekt omgânga ond send auch taktisch guat […]

S‘Leba uff em Dorf isch schee ond anders. Manchmâl isch‘s laut, wenn Traktora ond Mähdreschr fahret, gelegentlich isch‘s störend, wenn morgens bei Sonnauffgang dr Gockel schreit oder zur volla Stond die Kirchaglocka bimmlat, ond es kâ au ganz schee stenka, wenn Mist odr Briah gführt wird. Abr des älles macht‘s Leba uff em Land aus. Wenn mr em Dorf uffgwachsa […]

Dia Vorfreud‘ isch scho riesig gwä. Seit drei Wocha beobachtet dr Schorsch den mächtiga Kirschabom uff dr Streuobstwies, ond emmer wieder isch a handvoll probiert worda, ob se denn scho siaß gnug send. Dia viele Sonnatag‘ en letzschtr Zeit henn dia Kirscha ganz donklrot gfärbt ond au dr Gschmack isch jetzt uff seim Höhepunkt. Sia senn also uff‘m Höhepunkt der […]

Ons Schwâba wird jâ – ond des net zu orecht – nâchgsagt, mit wäret doch â weng grüblerisch. Des muss dr Schorsch komplett bestätiga. Grad jetzt wo dr Planet so arg vom Himmel sticht ond es staubrocka isch, fliegat dia Polla ommanander ond dehn empfendliche Leut‘ scho zemlich zusetza. Ond was passiert? Di Nâs‘ läuft, ond weil‘s so hoiß isch […]

Wenn’s om sportliche Bewegong gâht, nâ hat’s dr Schorsch seither mit dem englischa Premierminischtr Winston Churchill ghalta. Dr war koi Kostvrächter, hât gern Zigarra graucht ond Whisky dronka ond isch emmerhin 91 Jâhr alt worda ond hât den legendäre Spruch „no Sports“ gsagt. So hât dr Schorsch bisher au koin Sport trieba, bei dem mr sich bewega muas – segla […]

Nâch dene hondsgemeine Gwittrzella ond dere no recht ogwohnta Bullahitz’ kâ sich dr Schorsch uff a extrem entspannt’s Wochenend’ freia. Net bloss wega dem Wettr, was am Sonntich zom Grilla vrlockt, noi, au sportlich kâ’r sich zrücklehna. Seine Lieblengskicker send weitr erstklassig. Dia nervauffreibend Relegatio fechtet dr „Big-City-Club“, wia sich großmaulig dia Kicker aus der Hauptstadt mit ihrm Manager aus […]

Seit knapp ma halbe Jâhr müsset mr ons jetzt mit dere Kampagne „The Länd“ romärgra. Onsere Landesobere henn gmoint, mr müsst drmit „eine neue, starke Marke, die auch international Strahlkraft entwickeln und neue Maßstäbe setzen wird“ nausposauna. „Wir könnet älles außer hochdeutsch“ isch doch so passend für onser schwäbische Selbstvrständlichkeit, ond s’kommt oim jetzt en dr Senn „mir könnet älles […]

S’isch doch zom vrzweifla. Uff nix meh’ isch Vrlass. Selbst dia Eisheilige schwächlet total. Mamertus, Pankratius, Servatius, Bonifatius und d’Sophie steh’n ab Mittwoch, 11., bis Sonntag, 15. Mai, em Kalender. Glaubt mr de Wettrfrösch’, nâ wird’s en dene Tag zwische 22 und 26 Grad warm, erscht am 16. Mai gâht’s mit dem Temperatura uff 17 Grad a bissle abwärts. Omsonst […]

Dia Entbehronga und Entsagonga henn seit gestern 15 Uhr, dr Todesstond von Jesus, endlich a End’. Biblischr Hendrgrond für dia Fastenzeit von Aschermittwoch bis Karfreitag ond di Festsetzong uff 40 Tag’ ond Nächt’ isch des ebafalls vierzigtägige Fasta von Jesus en dr Wüste. Di Zahl 40 erinnert abr au an di 40 Tag’ von dr Sintflut, an di 40 Jâhr’, […]

Also, uffpasst: Morga hoißt’s zeitig uffstanda, weil wer will scho dr ganze Sonntag als Palmesel romrenna. Grad om dr Palmesel rankat sich etliche nette Anekdota, an dene Euch dr Schorsch teilhaba lassa will. So hât en Rottweil bei oim von denen Palmsonntagsprozessiona doch tatsächlich der hölzerne Esel sein Schwanz vrlora. Dia Ratsherra henn glacht ond der Schultes schnell reagiert: Der […]