Nr. 390 Dr Schorsch vrzählt vom 30. November 2024

Jetzt hât dr Schorsch dr Beweis, mir Schwâbe send tief en onserm Ennera anarchisch. Der entzwischa 70-jährige Pfarrer Albrecht Fetzer hât sich als Autor vom „Schwäbischen Wörterbuch“ und „Schwäbischen Grammatikbuch“ verdient gmacht om onser Sprâch. Laut Fetzer isch onser Sprâch dr Nâchfolgr vom Alt- ond Mitteloberdeutschen. „Sie ist kein degeneriertes Hochdeutsch“, betont dr Autor, weil Schwäbisch „zeitlich vor und unabhängig vom Hochdeutschen in einem eigenen Bereich Deutschlands entstanden ist“. Nach seine Forschonga isch Schwäbisch seit etwa 1350 gleichblieba. So isch onser herrliche Sprâch „eine Volkssprache von unten her“ ond ihr fehlt „die staatliche und öffentliche Anerkennung als Sprache“. Der Butter, isch bekanntlich en de europäische Hochspracha selbstvrständlich. Dass abr s’Gsälz au europäische Vrwandte hât, des isch au em Schorsch neu ond er wird des demnächst beleuchta.

 guate Woch’ ond em Herrgott sein Sega.