Mr kennt jâ „Invasive Arten“ en dr Biologie, ond des send irgendwelche Viecher, wo vo weit weg eigschleppt worda send. Dia vrdrängat ganz massiv ond rücksichtlos dia eiheimische Arta. Doch au bei ons em Schwäbischa gibt’s solche Eidrengleng, di liabgwordene Wörter vrdrängt. Dâ hoißt’s: Uffpassa! Dia erste „Invasive Wörter“ kâ jedr beim Eikaufa entdecka. So gibt’s en de Supermärkt bloß no dr norddeutsche Feldsalat, obwohl mr da bei ons net uff#s Feld gâht, sondern uff dr Acker, deshalb auch dr Nâma Ackersalat hat. Onser Blaukraut vrkauftet se als Rotkohl verkauft. S’gleiche gilt für Heidelbeera, die mr net zu Blaubeeren machat sott. Dr Patenonkel ond Patentante bleibat bei ons dr Döte ond Dode, ond aus ra Diraschnall kâ oifach koi Türklinke werda ond natürlich gibt’s bei ons an Kudderoimer ond koin Müll- oder Abfalleimer. Mir henn an Meterstab ond koin Zollstock, weil seit 1873 ist dr Meter s’amtliche Maß. Â guate Woch’ ond em Herrgott sein Sega.