Dr Schorsch hat sich als Jugendlichr in de 1970er-Jâhr sozialisiert. Des war selbstvrständlich di beste Zeit en dr Musik, mr isch Herkules odr Kreidler gfahra, später – nachhaltig, weil uralt – Ente odr R4 odr Käfer. S’Fundament für’s Leba isch Love, Peace ond Freedom (Liebe, Frieda ond Freiheit) gwä. Dâ drfür isch mr eigstânde, ond…

Es isch doch vrückt. Jetzt hât dr Schorsch doch tatsächlich ens aluminium-blonde Altr komma müssa, bis’em uffgfalla isch, das es für zwoi wichtige christliche Fest a Vrbindong zu Viecher gibt: Am Palmsonntag dr „Palmesel“ ond jetzt am Wochenend’ dr „Pfingstochs“.  Boides mâl wird derjenige, der am Sonntichmorga net aus’m Nest kommt mit dem Viech tituliert….

Fast jedr schwätzt em Momoment von „künstlicher Intelligenz“. Dâ steckt drhentr, dass Programmierer sich saumäßig âstrengat, om Maschina intelligent zom macha. Irgendwia vrstâht dr Schorsch, di ganz’, aktuell’ Uffregong net ganz. Vor a paar Tag isch’r nämlich beim Krutschla gwä ond hât doch tatsächlich aus seine Schultag en de 1970er-Jâhr des erschte Toil von im…

Was isch denn dâ los gwä? Am Freitagmorga an ra Discountrkass’ hât des Frolein sichr net sein beschta Tag geht. Z’erst hât se dr Schorsch âbbleggt, weil’r an de Kippa-Schütte dia steckabliebena Rolltüra helfa nondrdruckt hât: Wia dr Schorsch se nâ scharf âguckt hat, weil’r sich net grondlos von dr Seit’ blöd âmacha lässt, hât…

Reigschmeckte denkat jâ s’isch anders, abr en Wirklichkeit send Schwâbe recht kommunikative Leut’. Bsonders, wenn se ebes brauchat. Dr Schorsch hât sich jâ jetzt em Altr, seim Altr entsprechend, a historisch’s Wohnmobil gönnt. Au om das Schwäbisch ens deutsche Ländle nauszomtrage. Ond jetzt isch’r a paar Tag em wondrschöna Dresden gwä. Knapp 500 Kilometer hât…

S’fällt’m durchaus schwer, abr heut muss dr Schorsch doch tatsächlich di Ampel-Regierong loba. Dia Mädla ond Buaba en Berlin setzta sich drfür ei, dass dia Obst- ond Gartenbauvrei an Zukunft henn ond drbei sich ganz entspannt ond lässig zrücklega könnet. Wia des? Mr hât gestern lesa könna, s’dät jetzt ebbes werda mit dr Freigab’ von…

Dialekt ond ganz bsonders onsr Schwäbisch macht des Leba doch so viel oifachr. Worom? Weil mr en onsra Mundart net „gendern“ kennat, selbst wenn mr’s wellat, wobei mit des gar net wellat. Drbei empfiehlt so â Sprâchpolizei-Internet-Seit’ doch tatsächlich mr sott „Person aus Schwaben“, „schwäbische Person“, „in Schwaben wohnende Person“, „aus Schwaben stammende Person“ odr…

Ach, no so guat erinnert sich dr Schorsch an dr Wolle Kriwanek, wia dr liebenswerte Freind ond Musikr vor viele Jâhr beim ma Ufftritt uff Wörtr, dia vom Publikum zuagrufa worda send, wild reimend an Blues gsonga hât. Drbei isch aus dem Wörtle „Knoblauch“ di Zeile rauskomma: „Dâ nemsch an Kobel, nâ kriag’sch so sooo…

Jetzt send’s bloss no 36 Tag, odr 864 Stonda, odr 51 840 Minuten, wo mr sich kasteia muss. So lang dauert di Faschtazeit bis zom Ostrsonntich. Jetzt dät dr Schorsch doch âmol interessiera, wia andre Leut, wo faschta, sich grad fühlat. Guat, befreit, erleuchtet, herausragend, schlapp, miad, grätig? Dr Schorsch fühlt sich übrragend, weil’r „Ananas-fastet“. Des hoißt,…

Menschenskend, jetzt wird’s abr ernscht mit onserm Dialekt. S’hât doch tatsächlich a paar Landtagsabgeordnet braucht, drmit an Dachverband für Dialekt en Ländle gründet wird. Wia’s hoißt send me wia 50 Leut’ aus Dialekt- ond Mundartvroi, aus der Dialektforschung sowie Künstlr, dia sich mit dr Muttrsprâch bschäftiga, drbei. Nâ, dâ isch dr Schorsch doch recht froh, dass’r…