Nr. 342 Dr Schorsch vrzählt vom 15. April 2023
S’fällt’m durchaus schwer, abr heut muss dr Schorsch doch tatsächlich di Ampel-Regierong loba. Dia Mädla ond Buaba en Berlin setzta sich drfür ei, dass dia Obst- ond Gartenbauvrei an Zukunft henn ond drbei sich ganz entspannt ond lässig zrücklega könnet. Wia des?
Mr hât gestern lesa könna, s’dät jetzt ebbes werda mit dr Freigab’ von Marihuana. Des freut sicherlich net bloss dr Landwirtschaftsminister – mr erinnert sich an a Fotole em Internet vor a paar Jâhr uff dem mr dr Cem Özdemir uff seim Berliner Balkon geseha hât ond em Hendrgrond sind Töpf mit prächtige Hanfpflanza gestanda – des muss au die Vorständ von de OGV freua. Dr Gsetzentwurf sieht net bloss vor, dass jeder 25 Gramm Haschisch bei sich hann därf ond drei eigne Pflänzla pflega därf. S’soll au Canabis-Clubs geba, dia sich gemeinschaftlich um dr Anbau von Hanfplanze kümmrat – ond rauchat. Des wärat doch ideale Abteilungen bei de OGV.
 guate Woch’ ond em Herrgott sein Sega.