Nemme lang, nâ isch dr Schorsch Rentner, ond seit dera Woch’ macht’r sich Sorga. Seither isch’r drvo ausganga, dass die Menschheit jeda Tag a klois bissle klügr wird. Des hât sich jetzt radikal vrändert. So a Geistesgröße von dene radikale Viecherfreund „PETA“ hât naus plärt, wenn’s nâch ihm ganga dät, nâ dürfet fleischessende Männr koine…

Übr dia weisen Beschlüss’ dr politischen Elite hât sich dr Schorsch an dera Stell’ scho hin ond wiedr seine Gedanka gmacht. Ond als vorbildlichr Ondertan hât er uff manches au sofort entsprechend reagiert. So isch dr Wäschlompa ja entzwischa sei Kretschmann-Alternativ zom Duscha, ond weil dr Schorsch drbei au no beim Wäschwascha spara will, hat’r…

Eigentlich sott’s a Feschtjahr sei, weil vor genau 100 Jâhr isch des Blatt Papier mit ra Länge von 19,7 mal 21 Zentimeter gnormt worda. Seither kennat’s mir als DIN A4. Bloß, wer nützt’s no? Klar, d’Schülr, ond ganz klar, s’Finanzamt. Abr sonst? Rechnonga ond andre Schreibverkehrsstück’ kommat emmer mehr uff elektronische Art ond Weis’ zu ons….

Mix-Getränke send doch so a Sach’ ond henn zuweila durchschlagende Wirkonga. Wobei, a Wei’- odr Mostschorle, dia nemmat mr ganz bewusst – ond zurecht – von dera Überlegung aus. Abr, wer kennt se net dia grauavolle „Banana-Weiza“ odr di Mischong von Cola ond Wei’, dera Nâme „Korea“, „Dreckiges“, „Ochsenblut“, „Cola-Schoppen“ odr gar „Kalte Muschi“ oim dr…

Dr Schorsch isch so froh ond ergriffa, weil bei ons in „The Länd“ hend mir an Minischtrpräsident, wo so fürsorglich, klug ond vrausschauend isch für seine Landeskendr. Es isch ohheimlich beruhigend, dass se ons wia kloine Kendr an d’Hand nehmat ond ons saget, was mr doa sollet, weil doch dr Strom so teur ond bald…

Pünktlich zom Feriaschluss kommt dr Spätsommer, ond der hât bereits herbstliche Tendenza. Bleibt ons nex anders übrig, wia ons uff dr Herbst zom freua. Bloss des kennt schwer werda. Natürlich wird’s au bei ons den neudeutscha „Indian Summer“ geba, des hoißt, en warm’s Licht tauchte farbige Blätter an de Bäum. Abr dr Schorsch glaubt, dass…

Wer kennt se net, die farbige Plasikklötzla mit dene Generationa Häusla, Türmla, ganze Dörfla und Fahrzeugla baut henn. En dem Jâhr feirat dia Lego-Stoi ihrn 90. Geburtstag. Dr Schorsch hât gern mit dene Klötzla als Kend gespielt, ond no guat erinnert’r sich an sei Kendergartatante Erika, di damâls vorausgsagt hât, aus dem Buale wird bestimmt…

Es isch Sommer gwä, ond en dera Zeit wird so manche Sau durch dr Blätterwald triebe. So hât Cem Özdemir, Grünr Landwirtschaftsminischter aus Württemberg mit schwäbische Wurzla, di Idee ghet, Werbong zom vrbiata für Lebensmittl mit viel Zucker, Fett ond Salz. Möglicherweis’ ghörat au dia schwäbische Laugabrezla drzua, wia a CDU-Abgeordnete aus’m Rems-Murr-Kreis messerscharf kombiniert…

Ja, gâht’s schon wiedr los? Scheint’s scho. Grad no freut mr sich übr die 92. Minut’ am 14. Mai, hât en dr Zwischazeit mit onsere Fußball-Mädle mitgfiebert ond sich uffregt, dass mr em Wembley Stadio gega dia Inselmenscha wia scho 1966 nomâl bschissa worda isch, ond schwupps, scho spielt morga dr Herzensveroi mit dem rota Brustring…

Es gibt Nahrungsmittel, wo so langsam emmer meh vrschwendet. So scheints wenigsten, wenn mr an Dosa- odr Kondensmilch denkt. Em Schorsch seinr Kendheit, dâ hât’s für dr Kaffee nex anders geba. Kaffeesahne, di heut’ wohl dr Standard isch, isch viel z’teur gewä, Kaffeeweißer hât mr höchstens als Milchpulver kennt, ond drbei als Kend au net…