Nr. 319 Dr Schorsch vrzählt vom 5. August 2022
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Ja, gâht’s schon wiedr los? Scheint’s scho. Grad no freut mr sich übr die 92. Minut’ am 14. Mai, hât en dr Zwischazeit mit onsere Fußball-Mädle mitgfiebert ond sich uffregt, dass mr em Wembley Stadio gega dia Inselmenscha wia scho 1966 nomâl bschissa worda isch, ond schwupps, scho spielt morga dr Herzensveroi mit dem rota Brustring beim ersta Spieltag dr Bundesliga. A bissle uffgregt därf mr scho sei, wenn’s am morgia Sonntich gegen den Dosa-Limonade-Club aus Sachsa gâht.
Ond ois isch klar: diesmâl gilt’s. Onsre Buabe hauat dia Emporkömmleng aus Leibzig weg. Hoffentlich. Es isch oifach dia Zeit drfür, schließlich isch di Bilanz ausbaufähig mit acht Spiel, von dene no kois gwonna worda isch ond oim Oentschieda sieba Niederlaga mit oim zu 15 Tor standat. Wenn dr Schorsch am Sonntich so gega halb sechse am jubla isch, nâ wird’r endlich au an neua Fahnamasta für dr Vorgarta bestella.
 guate Woch’ ond em Herrgott sein Sega ond dia Hoffnong uff an Sieg.