Autor: Jürgen "Schorsch" Kunz

Manchmâl hât mr scho so seine Schwierigkeita mit onserer schwäbischa Sprâch. Jetzt hât BZ-Leserin Brigitte Steinhart aus Obrriexinga am Schorsch âgrufa. „Aus der Situatio heraus habe ich zu meiner Tochter gsagt, dia henn abr ganz schön übr mi dieselt.“ „Dieselt!?“, des sei koi schwäbisch’s Wort. Die „Etymolgie des Schwäbischen“ von Hermann Wax isch mâl wiedr…

Heut’ muss dr Schorsch âmol den Langmut ond di Ausdaur von seine Leser loba. Seit genau 2339 Tâg, also seit 21. Febuar 2016, haltet ihr also dia samstägliche schwäbische Plauderei von ihm aus. Genau 282 kloine Gschichtle lang. Für dia, wo sich nemme erinnrat, jetzt nomâ dr erschte „Schorsch“, aktuellr denn je ond hoffentlich emmer…

Dia Rückmeldonga per Telefo zom „Schorsch vrzählt“ am letzschta Samstag hend jetzt Mut gmacht. So viele henn gwisst, was a Fatzinettle isch – nämlich des Eisteck- odr des Bousiertüchle, des dia Männer früher em Brusttäschle vom Âzugskittel zeigt henn – viel meh abr hât dr Schorsch gfreut, dass dia BZ-Leser nâch meh solche schwäbische Bezeihnonga…

Schwätzet mr übr Fußball? Noi, uff koin Fall, des isch für dr Schorsch bis 13. August überhaupt koi Thema meh. Schwätzet mr doch liabr em Dialekt übr dr Dialekt. Wia en dera Woch’ an ganz anderer Stell’ geschrieba (siehe BZ-Ausgabe vom Dienstag) isch dr Schorsch doch tatsächlich an seine Grenza gstoßa, weil’n sei Sohn gfragt…

Mensch, isch des en de letzschde zwoi Tag fad gwä. Überhaupt koin Fußball, dâ isch beim Schorsch ganz schnell dr Entzug hochkomma. Komplette Entschpannog isch also âgsagt gwä, was natürlich nâch dem Gurkaspiel von onsere Nationalmannschafts-Kicker au dringend nötig gwä isch. Was dia Jöngere net so richtig einschätza kenna henn, des isch tatsächlich nâch dem…

Wia letz’scht Woch’ scho gschrieba, hât für dr Schorsch mit Stadionwurst die Fußball-Europameisterschaft ond dem hissa von dr Deutschland-Flagg’ am Sechs-Metr-Masta em Vorgarta âgfange. Ob di Grillwurst (natürlich vom Holzkohlagrill) abr am heutige Samstagâbend no schmeckt odr em Hals stecka bleibt, des muss nâch dem maua Stürmchen vom Dienstag ohbeantwortet bleiba. Abr wenn mr schon…

Heidenei, es sieht grad so aus, wie wenn onsr Herrgott a rechtr Fußball-Fan isch. Anders isch’s net zom erkläre, dass dia tägliche Sonnastonda geradezua explodierat, dia Temperatura durch Decke gangat – ond dia positive PCR-Test’ en dr Kellr rutschat. Dr Vorfreud’ uff dia Fußball-Europameistrschaft, dia gestern âgfânga hât, wird also von nex meh’ gschmällert. Mir…