Nr. 284 Dr Schorsch vrzählt vom 31. Juli 2021
Jetzt isch’s endlich (hoffentlich) so weit, des Sommerhoch mit Hitzetag, Sonnabrand ond no meh’ Durscht kommt jetzt. S’wär em Schorsch doch grad recht. Zom oina, weil’r seit heut’ für die nächste Zeit a Feriakend isch, und weil sich seine fenf Enklkendr âgsagt henn. Mit dene dät’r gern em Bädle bada, mit dr Spritzpistol’ spritza ond Wasserbomba schmeißa. Dâ wär’s ja recht gschickt, wenn dr Planet vom Hemmel ra stecha dät. S’bleibt also zom abwarta, ob des älles so kommt. Ond wenn net, nâ heizat mr halt dia Feuerschal’ â ond brotzlat Stockbrot. En drei Wocha vrrâtet Euch dr Schorsch wia’s gwä isch.
Guate drei Wocha ond em Herrgott sein Sega.
