Ond henn’r gestern drâdenkt? Noi! Nâ dann abr jetzt nomâl für’s nächste Jâhr, denn gestern isch dr Welttag des Lächelns gwä, den’s seit 1999 – also seit ma Viertljahrhondert – gibt. Wenn’rs scho vrgessa hend, nâ will dr Schorsch doch a bissle für a Lächla odr zumendest Schmunzla sorga. Beim Romstöbra hât’r nämlich des kloine Sprüchle entdeckt: „Liegd Schnee uff am Glendr, isch Wendr, liegds Glendr em Schnee, ischs hee, ond liegds Glendr onderm Schnee, war’s em Sommr scho hee.“ Wenn’s hee isch, na gilt dia schwäbische Lebensweisheit: „Manches könnt mr ond müssd mr, aber do duad mrs net. Zwar wüsst mr oft, was mr do däd, wemme dürft ond wemmr könnt. Ond oft wüsst mr au, was mr sot, wemmr möcht ond wemmr wöllt.“
Jetzt müsset bloss no dr Oktober beobachta, weil isch der warm ond fei, kommt a scharfr Wintr rei, isch’r abr nass ond kühl, mild dr Wintr werda will.
 guate Woch’ ond em Herrgott sein Sega.