Nr. 380 Dr Schorsch vrzählt vom 15. Juni 2024
Zuageba, bis vor â paar Wocha war’s no recht zäh. So richtig gfreut uff di Europameisterschaft von de Kicker hât sich dr Schorsch (no) net. Seit Freitagmorga isch älles anders. Em Vorgarta stâht dr nagelneue Aluminium-Fahnamast mit seinr stattlicha Höhe von sechs Metr ond 25 Zentimeter, und ohne des Absenga von feierliche Liedr isch nâ di Deutschland-Flagg nâch oba zoga worda. Dass es drbei gregnet hât,
nemma mr mâl net als schlecht’s Omen. Obwohl heut’ jetzt di Gschicht vom Schorsch en der Zeitong stâht, beim Schreiba am Freitagmittag hât abr no net gwisst, wia der Auftaktkick gega dia Schotta ausgang isch. Dr Schorsch lehnt sich jetzt âmol ganz weit aus’m Fenstr ond sagt: Onsere Buaba henn gewonna. Ond wenn net, nâ wird’r dia Deutschland-Flagg heut’ Morga für a halbe Stond uff Halbmast hänge. Spätestens nâ kommt scho die Freud uffs Spiel gega Ungarn am Mittwoch hoch. Em Neckar-stadio kâ sowieso bloss gwonna werde. Â guate Woch’ ond em Herrgott sein Sega.
nemma mr mâl net als schlecht’s Omen. Obwohl heut’ jetzt di Gschicht vom Schorsch en der Zeitong stâht, beim Schreiba am Freitagmittag hât abr no net gwisst, wia der Auftaktkick gega dia Schotta ausgang isch. Dr Schorsch lehnt sich jetzt âmol ganz weit aus’m Fenstr ond sagt: Onsere Buaba henn gewonna. Ond wenn net, nâ wird’r dia Deutschland-Flagg heut’ Morga für a halbe Stond uff Halbmast hänge. Spätestens nâ kommt scho die Freud uffs Spiel gega Ungarn am Mittwoch hoch. Em Neckar-stadio kâ sowieso bloss gwonna werde. Â guate Woch’ ond em Herrgott sein Sega.
