Nr. 324 Dr Schorsch vrzählt vom 8. Oktober 2022
Mix-Getränke send doch so a Sach’ ond henn zuweila durchschlagende Wirkonga. Wobei, a Wei’- odr Mostschorle, dia nemmat mr ganz bewusst – ond zurecht – von dera Überlegung aus. Abr, wer kennt se net dia grauavolle „Banana-Weiza“ odr di Mischong von Cola ond Wei’, dera Nâme „Korea“, „Dreckiges“, „Ochsenblut“, „Cola-Schoppen“ odr gar „Kalte Muschi“ oim dr Angstschwoiß uff Stirn ond ebbes später s’Schädlweh’ onder d’Hirnschal’ treibt.
A Schtuggerter Wengerter hât’s uff Spitze trieba, ond ihr Lieben, ihr müsst jetzt ganz stark sei. Der Kerle mischt nämlich a stark g’hopftes Bier mit Riesling, Muskateller oder Trollinger (!?), gibt no a bissle Hefe drzu, füllt’s nâch ma halbe Tag für zwoi Wocha en Flascha ab ond wartet. Raus kommt nâ a „Bierwein“. Dr Schorsch, weil’r eher a ängstlichr Typ isch, lässt’r liabr d’Fengr drvo. Abr vielleicht gibt’s jâ Mutige onder seine Lesr.
 guate Woch’ ond em Herrgott sein Sega.