Nr. 317 Dr Schorsch vrzählt vom 16. Juli 2022
Ja, au dr Schorsch kennt den ohwiderstehliche Heißhonger ond isch dem jetzt hoffnunglos erlega. Wenn der abr erscht so kurz vor Neune am Âbend oin übrmannt, nâ wird‘s schwierig, di Genusssucht zom Befriediga. Zom Glück gibt‘s dia Dönnermacher des Vertrauens – en Bietigheim. Von Erligheim nâch Bieitga mit em Auto isch zwar emissionstechnisch recht verwerflich, abr schließlich fährt dr Schorsch entzwische fast jeden Tag mit dem Fahrrädle ens Geschäft – ond was soll‘s, wenn dr übrmächtige Hongr kommt. Â guate Ausred‘ isch natürlich au, dass mr jâ dr „Tag des guten Fleisches“ gebührend feira muss, den es jährlich seit 2017 am 16. Juli gibt. Wobei des Datum Spekulationen durchaus herausfordert. Weil am 16. Juli wird au der „Welttag der Schlange“ ond dr kanadische „Ehrentag des Meerschweinchens“ gfeiert. Kloine Beruhigung für Vegetarier: S‘isch au dr „Tag des frischen Spinats“ ond dr „Tag des frittierten Maisplätzchens“.
 guate Woch‘ ond em Herrgott sein Sega.
