Heidawetter, jetzt hât doch tatsächlich für zwoi Stond der Wentr Eizug ghalta. Nachdem dr Garte entzwische eher wia a Moorlandschaft ausgseha hât, en dem s’Regawasser knöchelhoch stâht, hend einige wenige Schneeflöckla d’Gegend leicht vrzuckert. S’hât sich abr net glohnt, dia Schneeschauffel zom aktiviera odr gar den inzwischen hart gwordena Streusalzsack zom sucha. Des wird au so bleiba, weil dia Wetterfrösch’ saget voraus, es dätet jetzt jeden Tag bei ons Stückle für Stückle die Temperatura steiga, bis zu sieba Grad heut’ in oinr Woch’.
A guate Woch’ ond em Herrgott sein Sega.
