Nr. 294 Dr Schorsch vrzählt vom 18. Dezember 2021
Dr Schorsch vrzählt seit 21. Februar 2015 jeden Samschtich en der Bietigheimer, Sachsenheimer, Bönnigheimer Zeitung.
Des Internet isch scho bemerkenswert. Wenn mr dort nach „Weihnachtsgebäck“ suacht, nâ kriagt mr schwups-di-wups meh’ wir 13 Millionen Ergebnis. Drbei braucht mr doch bloß a paar wenige Weihnachtsbrötla, om d’Familie zfrieda zom stelle. Ausstecherla, des isch klar, dia müsset sei, weil mr drmit dia (Enkel)-Kender bestens bschäftiga kâ. Haselnuss-Brötla oder -Makrona, dia send für dr Schorsch elementar für di Adventszeit (wobei’r tatsächlich die Diskussion über die eigentlich notwendige Oblata entzwischen verlora hât). Schwäbische Spitzbuaba, dia mit’m Gsälz en dr Mitte, dia dürfet au net fehla ond als Vollendung dät mr sich no am klassischa Schokladbrot freue. Halt fast vrgessa, Vanillekipferl, dia dät mr scho au no nemma, ond vielleicht a paar Bäradatza, ond Kokosmakrona, ond em Idealfall a Handvoll Sprengerla, ach so, so einiga Zimtstern, dia könntat au drbei sei. 13 Milliona Ergebnis, so viel isch des jetzt au wieder net.
 guate Woch’ ond em Herrgott sein Sega.