Nr. 378 Dr Schorsch vrzählt vom 1. Juni 2024

Er gâht emmer meh en Vrgessaheit. Di Red isch vom Most, den kaum no oiner keltert, vielleicht au weil die Mäga von de Jonge nemme so belastbar send. Grad deshalb wär’s an dr Zeit, dass dr Schorsch an des Labsal aus de Streuobstwiesa erinnert, mit mr Den

kspruch, wo em Internet (wo aus sonst heutzutag) gfonda hât: „Â guatr Most heilt jeden Schmerz – es ist des Schwaben Perl. Der Wein erfreut des Menschen Herz, dr Most d’ganze Kerl. Â mancher hât als einz’ga Trost im Keller halt sei Fässle Most und hât’r von dr Arbeit gnuag, nâ gâht’r na ond holt an Kruag. Ond wenn dr’Adam, sell isch gwiss, â Schwâb gwä wär, im Paradies wär net passiert die Gschicht, i wett, dass der den Äpfel gmoschet hät.“

So, jetzt wisset mr, dass Adam ond Eva net von hier gwä send, ond somit isch also des biblische Paradies ons Schwâba fremd. Damit erklärt sich au, worum onser Ländle so donderschlächtig schee isch: Weil mir des Paradies uff Erda han wöllat. Â guate Woch’ ond em Herrgott sein Sega.