Nr.: 447 Dr Schorsch vrzählt vom 24. Oktober 2026
Sprâchforschr saget, dass es onsr Schwäbisch, so wia mr’s heut’ kennat, etwa seit 1350 nach Christus gibt, letztendlich durch di Ufftrennung des Oberdeutschen en Alemannisch ond Schwäbisch om 1200 bis 1300 nach Christus. Deshalb ondrscheidet sich onsr schwäbischeSprâch von älle andre obrdeutschen Sprachen, wie Österreichisch, Bayrisch odr Alemannisch, en dr Phonetik durch a völlig oigeneAussprâch, em Wortschatz durch a oigas Vokabular ond en dr Grammatik – vor ällem durch die Bildong von völlig oigenr Verbformen.Mr kâ jetzt saga, dass onsr Schwäbisch universell isch. Des hât scho der Wolle Kriwanek en seim Liad „Ufo“ festgstellt, weildia Kerle aus’m Weltall henn gsagt: „Mensch, schwätz weiter schwäbisch, wi mir au.“ Manche saget, onser Schwäbisch isch sogar göttlich. Schließlich hât der Herrgott älle Sprâche vrteilt ond bloss den heulende Schwâb ischübrig blieba. „Musch net heula, nâ schwätz halt wia i“, hât der Herrgott gsagt.
 guate Woch’ ond em Herrgott sein Sega.
