Nr. 446 Dr Schorsch vrzählt vom 17. Oktober 2026
Heut dean mr âmol gschdäd, weil mir guckat gschwend uff so scheene schwäbische Wörtr, von dene viele leidr nemme em täglicha Wortschatz brauchtwerdat. Ganz em Gegatoil, mr kennt Giechdr kriega, wenn mr des Geseire hört. Koi gotzigs schwäbisch Wort kriagat manche guademschbrich raus, wenn se vor lautr Grattl nemme wissat,wia se hocka sollat. S’isch halt a rechte Kuglfuhr mit Sottige, halt a nervigige Sach’, weil frühr des Transportiera von Kuglarecht schwierig gwä isch – halt a Kuglfuhr. Doch dr Schorsch will jetzt koin Lällabäbb meh schreiba, liabr will’r beweisa,dass a Schwâb net geizig isch, sondern er isch gniggich. So kâ’sch a kädschichs Weckle emmr no uffbagga, no isch’s wia frisch.Schließlich muss mr spara, egal was es koscht.
Zom Schluss no a Lebensweisheit, dia viel übr uns Schwâbe aussagt: „Wer globt werda will, muass sterba, wer gschempft seiwill, muass heirata.“
 guate Woch’ ond em Herrgot sein Sega.
