Heut’ hoißt’s Obacht, weil heut’ isch dr Siebaschläfertag. So wia’s heut’ isch, so soll’s nâ au en de nächste sieba Wocha werda. Nâch de Vorhersaga für dr 27. Juni
müssa mr ons also in de kommende Juli- ond Augustwocha ganz schö „warm âzieha“ – hoißt em Klartext: s’gâht weitr mit dr Bullahitz ond mir müsset für Abkühlong sorga. Dr Siebaschläfertag stât laut dem liturgischa Kalendr dr christliche Kircha als Gedenktag der „sieben Schläfer von Ephesus“. Ganz em Gegasatz zu dr oft kolportierta Âsicht, der Nâme dät vom gleichnâmiga Nagetier sich ableita. Also was isch passiert: Rond 250 nach Christus senn Constantinus, Dionysius, Johannes, Malchus, Martinianus, Maximinianus und Serapion – ällesamt Söhne von vornehme Familia wega ihrm christliche Glaube zom Tod verurteilt worda. Sie hend abr aus’m Gefängnis flieha könne, send abr in ra Höhle eingeschlafe, di dann vom römischen Kaisers Decius zuagmauert worda isch.
 guate Woch’ ond em Herrgott sein Sega.
