Dr Schorsch mâg dr Karfreitag. S’gibt koine uffgregte Vranstaltongen, mr kommt zur Ruh’ – ond mr macht traditionell Maultasche. Des prächtig-schmackhafte schwäbische Kleinod, om des sich entzwischa so viele Mythen rankat. Historiker widersprechat jâ entzwischa dr Theorie, dass Mönch em Kloster Maulbronn en dr Fastazeit dr Herrgott bschissa henn, weil se s’Fleisch em Nudltoig vrsteckt häbat. Des isch wohl bloss an Markting-Märchen, weil dâmals Fleisch- ond Eierteigprodukt zemlich streng en dr Fastazeit kontrolliert worde send. Was mr komplett ablehna muss, isch die (verwerfliche) Theorie, dass die Waldenser, die em 18. Jahrhondert aus Italien zu ons gfloha send, ihr Wisse über gefüllte Teigtascha mitbrâcht henn ond dia mit em Schwarzwald bereiteta Spinat kombiniert henn. Des oinzig wahrhaftige an dera Theorie isch, dass dr Spinat en die schwäbische Maultascha ghört.
Scheene Ostra, a guate Woch’ ond em Herrgott sein Sega.