Natürlich isch onsr schwäbischr Dialekt bekannt für seine schöne, einschmeichelnde Wörtr ond Formulieronga. Eher wenigr selta ond gar oft müssat mr au onser Omuat rauslassa, ond dâdrfür hemmr ganz schneene Beleidonga. Für alle Fäll’ hât dr Schorsch a kloine – weitgehend alphabetisch zsammagestellte – Sammlong für solche Gelegaheita: Allmachtsbachl, Bronzkachl, Dollwegg, Erbsazählr, Fiedlagsicht, Gsälzbär, Heckabeerlesbronzr, Krampfhenna, Liadrigr Siach, Merrha (bleede), Nadappter Saustahlpfoschta, (ranzigr) Oitrzâh, Pfullengr, Ragall, Soichguck, Tranfonzel, Vollpfoschta, Waidag, Zitronaschüttlr.
Sicherlich kennt dr geneigte schwäbische Lesr vom Schorsch, die oi odr ander scheene Beleidong, dia mr gern in seine Onder-haltonga einbrenga sott.
Universal wird gern dr „Hommeldommergrombiraglauber“ verwendet ond der kommt auch emmer bestens â.
 guate Woch’ ond em Herrgott sein Sega.