Sammlung: Dr Schorsch vrzählt

Vielleicht isch dr Schorsch doch a weng aus dr Zeit gfalla. Er freit sich nämlich saumäßig uff Weihnachta. Er freit sich uff dr glänzende Christbaum (der, wia’r wissat erst am Heiliga Âbend strahle wird), er freit sich, dass dia emmer größer werdende Familie zamme kommt, er freit sich uff die Gâs’, die’r s’erschtmâl bruzzla wird,…

Dr bada-württembergische Minischterpräsident Kretschmann hât jetzt endlich a richtig’s Fass uffgmacht, ond mit seim Mundart-Kongress am Dialekt a große Bühne gschaffa. Er moint nämlich, dass bsonders dia schwäbisch’ Mundart emmer meh’ vrlora ghât. Heidanei, des woiß dr Schorsch scho seit viele Jâhr, ond deshalb schreibt’r scho seit 21. Februar 2015 jeden Samstisch en dr Bietigheimer,…

Koi Freud‘ am Adventskranz meh‘? Ach wia schee isch eigentlich die Adventszeit, wenn mr am Sonntich jetzt des zwoite Kerzle anzünda kâ. Doch mr stâht plötzlich mit oim Fuaß scho em offena Grab. Worom? Jeden Tag vrfolgt ons die ohsäglich Feinstaub-Diskussio ond vor ällem dia, wia mr hört, fascht scho willkürlich festglegte Feinstaub- Grenzwert‘ von…

Adventszeit! Di Zeit dr fromme Wünsch’. Dr Schorsch hât eigentlich bloss oin Wunsch, dass sei Familie gsond bleibt, ond net ens Bietigheimer Krankenhaus muss. Weil des kâ’r sich oifach nemme leista. Worom? Saget mr mâl so, dia Stadtvrwaltung macht sich’s leicht ond hât dia „Parkraumbewirtschaftung“, wia’ es amtsdeutsch hoißt, an a Firma aus Nürtinga, di…

Mit Muckafug isch dr Schorsch en frühestr Jugend sozusaga sozialisiert worde. Eigentlich isch des donkle Gebräu aus Zichorie gschmacklich net grad a Offenbarong, abr als Kend war’s oifach klasse, wenn mr, wia dia Große, eba au an „Kaffee“ kriagt hât. Irgendwia isch des sicherlich dr Grond gwä, dass em Schorsch sei Lieblingsgesöff au heut’ no…

Bald gâht’s wiedr uffwärts. Obwohl ons s’Wettr grad ebbes anders vorgaukelt, müsset mir jetzt no dr Volkstrauertag ond dr Totasonntich übrstanda, na dürfet mir ons wiedr freua ond en dr Adventszeit fröhlich sei. Naja, a bissle innehalte hât no koim gschadet, abr weil mir Schwâba ja grondsätzlich eher zur Schwermütigkeit neiget, send mir au grad…

S’isch grad echt zom vrzweifla. Des kalte Graußa packt oin, wenn urplötzlich ond völlig oerwarted die saublöd gelb’ Warnleucht’ em Auto-Amaturabrett blinkt: Dr Bezintank isch fascht leer! Die Ölscheich, Ölmultis ond onser Staat hend ons mâl wiedr so richtig am Wickel. 1,54 Euro zocket’se ons pro Liter ab. Mr möcht nâch Österreich auswandra, weil dort…

Obwohl, Gott sei Dank, dr ohsägliche Halloween-Âbend rom isch, standet übrall dia Kürbis-Goischtr rom. Ond des isch eigentlich völlig ohschwäbisch, weil mir hend en onser’r Kendheit natürlich Rüba-Goischtr gemacht, was viel schwer’r ond au extrem gfährlich gwä isch. So an Goischtr aus mr Kürbis isch eba koi richtige Herausfordrong, weil dia gelbe Frücht’ send jâ…

Oje, dia Augareng werdet donklr. Dr Schorsch isch jetzt doch recht froh, weil seit geschtern Âbend isch dia groß Hitparad‘ em öffentlich-rechtlicha Rondfonk vorbei, weil en de letzschte Nächt‘ isch sei Leba doch a bissle aus de Fuga ghopft. Seit dr erschte Ausgabe „TOP 1000X“ im Jâhr 1989 horcht dr Schorsch tag- ond nächtelang dia…

Mr kommt ja gar nemme mit. Jetzt hât mr grad so recht ond schlecht dia sommerlich‘ Grillerei hender sich brâcht, ond au dia ohseelig‘ Kürbissuppa-Zeit hât mr übrlebt. Ond jetzt? Jetzt muas mr sich schon wiedr mit Schpekulatius, Dominoschtoi ond Lebkuacha ausanandrsetza. Mr hât des Gfühl, s‘wird emmr früher. Ond des grad en dene Wocha,…