Autor: Jürgen "Schorsch" Kunz

So richtig onsr schwäbische Seel’ hât dr Autor Gunter Haug beim Mundart-Schtammtisch en Erligheim gschtreichelt. Ganz wondrbar hât’r von de „Schwäbische Sternstunde“, dia’r em ma 320 Seita dicka Buach vrfasst hât, vrzählt ond drbei au so dem oin odr andra Schwâbekenner mit ganz obekannte Gschichte übrrascht. Wer woiß den des scho, onsr Uffstieg zom âerkannte…

Gag gag, gag gag, dr Has’ hât glegt. Am Sonndich wird des wiedr en viele Gärte zom höra sei. Schließlich legt bei ons dr Oschterhas’ dia Oschteroir, ond des schon mendeschtens seit em 17. Jahrhondrt. Weil mr frühr en dr Faschtazeit koine Oir hât essa dürfe, hend onsere Altvordere – so ogfähr im zwölfte Jahrhondert…

Heidenei, dâ send jetzt abr d’Uni en Hohenheim, dr württembergische Innongsvrband von de Bäckr, dr Landesvrband für Obschtbau, s’Ulmer Brotmuseum ond dia Omweltakademie em Ländle doch recht forsch: Am Mittwoch vor Gründonnerschtich (23. März) soll em Schtugartr Haus dr Wirtschaft des „gröschte Gsälzbrot dr Welt“ zeigt ond uffgessa werda. A löblich’s Ansinna. Sia wellet a…

Es isch a Kreuz mit dem Kreuz. Am Sonndich därf mr wiedr ois mache. Bloss bei wem? Die oine will e net, dia andre mâg i net, dia dritte kenn i net ond wiedr andre ganget übrhaupt net. D’Wahlvrânstaltonge henn kaum Erkenntnis brâcht, Plakat’ henn außer dr Vrschandlong von dr Gegend oin au net weitrbrâcht…

Für manche em Ländle send wohl dia Omfrag-Ergebnis für di Landtagswahl am 13. März a Albtraum, andere kommet sich wohl vor wia em Märchen. Bloss Märchen henn au ganz schöne Überraschonga parat. Ihr wöllet a Beischpiel? Lang isch’s her, dâ hât’s em Wendr ohsennig viel Schnee ghet ond s’war so kalt, dâ isch oim dr…

Mir Schwâbe meckrat, bäffat, goschlat, maulat ond schempfat gern. Ond wenn a Schwâb so richtig grantig isch, also wenn’r no schlechtr druff isch wia sonscht, nâ bruddelt odr brägelt er. Weil mir bekanntlich liabr melancholisch wia euphorisch send, bräglet mr eher lautlos en sich nei, wenn nâ doch dr Ärgr naus muas, wird bruddelt. Dâ…

Am Sonntich isch onsr Tag: Seit dem Jâhr 2000 wird nämlich am 21. Februar dr Tag dr Muttrsprâch gfeiert. Dr Grond isch a oifachr, weil di UNESCO hât feschtgeschtellt, uff dr Welt send rond di Hälft’ ällr Dialekt’ vom Ausschterba bedroht. Dâ send mr jetzt abr richtig froh, weil onsr schwäbische Mundart, dia so vielfältig,…

Mir Schwâbe send halt Käpsela. Dr Schorsch duat des jeda Samschtich an dera Stella beweisa. Seit am Freitag isch’s jetzt abr eideutig bewiesa, weil dia Kerle vom Ligo-Observatorium en Amerika henn feschtgschtellt, was onser Albertle aus Ulm schon vor 100 Jâhr berechnet hât. S’Albertle Einstein isch nämlich drvo ausganga, älle Körper schicket Gravitationswella aus, grad…

Gelegentlich sott mr a Busfahrt ondernehma. Noi, net a Ausflugsreis’ zu irgend oim touristischa Ziel, sondern mit ma Liniabus. Des isch durchaus onderhaltsam ond brengt neuartige Eiblick’ ens menschliche Zusammaleba. Idealerweis’ wählt mr a Fahrt en de Âbendschtond, wenn’s draußa scho recht donkl isch, nâ sorget dia schnelle Fahrta durch d’Kurve, des abrupte Bremsa ond…

So, schpätestens en dr nächschta Woch’ wird’s ernscht mit Fasnet. Da stâht dr schmotziga Donnerstich em Kalendr, na kommt’s Fasnetswochenend’ ond Rosamondich ond Faschingsdienstich. Bloss net bei ons. Anderswo lasset’se am schmotziga Donnerstich so richtig d’Sau raus, bei ons langt’s net amol zom ma Kappaâbend. S’Oinzige was bei ons schmotzig – des hât nex mit…