Jetzt isch Drachazeit. Was hât dr Schorsch Dracha baut en seinr Kendheit – ond isch drbei am örtlicha Schreiner ganz âständig uff dr Weckr ganga, weil’r äll drei Tag nâch neue Drachastäbla nâchgfragt hat. Ond genau so oft isch’r em Schreibwaralade vis-a-vis ufftaucht, om Drachapapier ond UHU zom kaufa. Vieleicht sott dr Schorsch mit seine Enkel amol Dracha baue, wenn’r wüst wo er Drachastäbla ond -papier herkriaga könnt. Uff jeden Fall send dâmols seine Drache emmer größer worde. Er hât Sechseckige ghet, dia send drei Meter groß gwä ond mit ma guat zehn Metr langa Schwanz mit Zeitongspapierschloifa. Ond weil em Schorsch sei Vatr Metzger gwä isch hat’r bis zu 1000 Meter Bendfada als Drachaschnur ghet.
 guate Woch’ ond em Herrgott sein Sega.
