Nr. 304 Dr Schorsch vrzählt vom 19. März 2022
Gott sei Dank send Baldriantropfa mit knapp sieba Euro für a Fläschle no erschwenglich. Bisher hât sich dr Schorsch eigentlich wenig om Benzinpreis’ gschert. Sei Wahlspruch: „Mir isch es egal was ddr Sprit kostet, i tank’ sowie emmer für 20 Euro.“ Bloss jetzt langt’s für 20 Euro net âmol zehn Litr, ond des lang halt net weit. So braucht mr bei dene Spritpreis’ scho etliche Baldriantropfa meh’ – uff dreimâl Tanka en dr Woch’ kommt mr uff guat oi Fläsche vom Beruhigongsmittl. Vor Kurzem hât’s zo ällem Übrfluss a Katastroph geba: Dr Schorsch hât sei Handy uff’m Schreibtisch liega lasse ond des erst gmerkt wia âbends drhoim âkomma isch. An Âbend ohne Handy isch en dene Zeita, wo jede Stond ebbes furchtbars passiert, des isch nur schwerlich vorstellbar. Aber nomal die Strecke ens Geschäft fahre ond wiedr zrück? Kurz hat dr Schorsch übrlegt, ob’r sich net besser glei an neu’s Handy kaufa sott. No isch’s tanke no billigr gwä. Des kâ sich abr bald ändra.
 guate Woch’ ond em Herrgott sein Sega.