Wer sich em weltweite Netz tummelt, der kennt au Blogger. Des send dia, wo ihr – eher langweiligs – Leba mit dr halbe Menschheit toilat ond ganz wichtige Sache, oft für zemlich viel Bares, vrzapfet. Abr kennt no jemand dr erste Blogger? Der erste Blogger kommt nämlich aus em Schwäbischa. Des isch dr Metallquader mit ma Filz drontr ond ma Besastiel drana. Mit em Blogger hat am Schorsch sei Oma dia Holzdiela en dr Wohnung mit Bohnerwachs poliert. Riachet ihr au no des Gschmäckle. Als kloiner Stipich hat dr Schorsch au emmer uff dem Blogger hocka dürfa, drmit Oma sent so arg des Gerät uff dr Boda nontr drucka müssa hât. Apropos bsondere schwäbische Bezeichnong. Wie hoißt denn bei Euch dr Âschnitt vom Brotlaib? En dr Familie vom Schorsch isch des des Riebele. Mr kennt’s au als Gneisle, Kibfle, Renftl, Knust, Rampf, Krüstchen, Scherzel, Kanta, Kikerle, Kurschta odr oifach End. Â guate Woch’ ond em Herrgott sein Sega.