Ach wia schee: Di Turteltaube isch dr Vogl 2020, weil dr Beschtand von dem kloine Vögele emmer meh zrück gâht. Der Piepmatz isch net viel größr wia a Amsel, ond er ondrscheidet sich doch von seine größere Schwestra ond Brüdr, dia mit ihre massive Hendrlassaschafta ganz schee nervat. Dia Turteltaub’ isch net so uffdrenglich, wohnt…

Jetzt send mr wiedr em Herbscht âkomma, ond dia Tag von de schwerwiegende Entscheidonga standet â: Machet mr d‘Heizong scho â odr bleibt se no aus? Zunächst muss mr abkläre, ob älle wärmende Alternative en dr Familie scho komplett ausgnützt worda send. Hât jedr scho a Onderhemad â, ond dicke Socka ond a Strickwestle? Dät‘s…

Wenn ich wüsste, dass morgen die Welt unterginge, würde ich heute noch ein Apfelbäumchen pflanzen.“ Am guata Luther schreibt mr den Spruch zua. En dr scheints bald kommenda Apokalypse kommt am Schorsch der Satz en dr Senn. Ond weil dr Schorsch a Machr, ond koi Lamentierer isch, macht’r jetzt ebbes: Er pflanzt em Garta seiner…

Eigentlich isch dr Schorsch a Kopf-Schaffer. Jetzt hât’s sich als Muskel-Schaffer betätigt. Mit ma elektrischa Bohrhammr hât’r riesige Schlitz aus ma Backstoi-Mauerwerk rausstemma müssa. Mr glaubt’s kaum, was des für an Dreck gibt, ond an welche Stelle em Körper der sich absetzt. Bsonders als Barträgr hât mr sei Freid an dem Staub. Ensgesamt dreimoligs Wäscha…

Es isch a Elend. Am 1. September isch dr metreologische Herbstâfang gwä. Also grad âmol sieba Tag isch dr Sommr vorbei, und was isch passiert? Dr Schorsch hât sich a Rotznâs’ eigfanga, die hoißt „höret se“. Spätestens älle halb’ Stond muas’r trompeta, wia an Elefant. Kiloweis’ vrbraucht er Rotzfâhne ond seine Glotzr tränat, dass’r eigentlich…

Emmr freudlosr werdet d’Leut. Wo mr nâhguckt, überall sieht mr se, dia ständige Jammerlappa. Statt, dass mr sich übr’s Leba freut, au übr dia kloina Sacha, wird romgnöhlt ond emmr nâch dem sprichwörtlicha Haar en dr Supp’ glotzt. Mensch, send doch froh übr des Haar en dr Supp’, isch des doch ein eindeutigs Zeicha drfür,…

Des isch so a Sach‘, Freind, dia kâ mr sich raussucha, bei dr weitläufiga Vrwandschaft, dâ duat mr sich schwer. Was isch jetzt passiert?. Se hend grad jetzt feschtgestellt, dass der vrstrubbelte ond doch recht chaotisch-sondrbare britische Premierminischter Boris Johnson doch tätlich irgendwia schwäbische Wurzla hât, ond so au blödrweis Weis‘ mit ons Württembergr ganz,…

Segla ghört, neba dr schwäbischa Mundart, zur großa Leidaschaft vom Schorsch. Es isch oifach wundrbar, wenn mr bloss mit dr Kraft vom Wind (ond natürlich mit dr richtiga Segelstellong) von A nâch B durch‘s Wasser pflügt. Genuss pur, möcht mr fascht saga. Ond jetzt hât dr Schorsch erfahra dürfa, dass mr mit‘m Segla au no…

En was für a ohbekannte Welt hât dr Schorsch in dera Woch‘ neispickla dürfa: Des Leba von ra Baurafamilie, welche komplett ihrn Tagesablauf nâch de Bedürfnis von ihre Milchküah‘ ausrichtet. Jeden Tag, au am Feiertrag ond am Sonntich. Für jemand, wia dr Schorsch, sieht des erstmals aus, wia a Plficht, di dia Baura klaglos uff…

Mir strengat ons scho saumäßig â mit dr Gleichmachrei, hauptsächlich, wenn’s om’s Sprâchliche gâht. Jedr/jede/jedes soll s’gleiche Recht han, dr oine hängt an die männlich Bezeichnung a „/innen“ nâ, andre vrohstaltet unser Sprâch mit dem ohseeliga „Gender*“. Mit „Fahrende“ statt „Fahrer“, „Trinkende“ statt „Tricker“ oder „Mitessende“ statt „Mitesser“ kâ dr Schorsch scho glei gar nix…