Als bekennendr Vollbartträgr hât dr Schorsch jetzt a persönlich’s Zeicha gesetzt. Seit 22. März, der Tag an dem dia erschte Corona-Infizierte em Landkreis vrmeldat worda send, hât’r sein Bart nemme gstutzt. Nâch genau 102 Tag’ – odr a bissle meh’ wia drei Monat – hât’r nâ scho a weng vrwega ausgeseha. Jetzt hât dr Schorsch…

Oi Woch’ müsset mr no bibbra, weil genau am nächschta Samstag isch dr Siebaschläfertag. Nach dr Brauregl bleibt für sieba Wocha nâ di Großwetterlag’ gleich, hoffentlich net die kulturell’ Großwetterlag’. Weil, wenn onsere Landesobere net en d’Spur kommet, nâ siehst zappaduschtr mit dr Kulturvielfalt aus. S’kâ sich ja net jedr Kulturbetrieb a Flugzeug kaufa, wo…

Scho wiedr muss dr Schorsch übr seine Erfahronga beim Eikaufa mit denen „Mund-Nasen-Bedeckungen“ berichta. Natürlich hât au dr Schorsch so scheene, mit große handwerklicha Fähigkeita von seinr Frau gmachte Mundschutzmaska – formschee ond maßgschneidert aus zwei Halbschale, die sich mit dem prächtig gmusterta ond feina Stöffle exakt übr d’Gosch ond dr Zenka schmiagat. Nâch wia…

Au en räse Zeita sein Humor net zom vrliera, jâ des isch schwer. Abr s‘gâht, au mit Mundschutz, odr gar wega dem Mundschutz. Dr Schorsch kennt sich jetzt stondalang drübr auslassa, wia witzig es isch, wenn mr hendr dene Vrhüllonga plötzlich dia beschte Freind nemme kennt, ond sich irrsennig s‘Hirn vrrenka muss, wer jetzt dâ…

Basset uff, am Mondich wird’s wiedr dramatisch. Noi, dr Schorsch hât, Gott sei Dank, koine epidemiologische Vorhersehonga. Am Mondich übrnemmat dia Eisheilige wiedr s’Kommando, grad, wenn mir sich an dene viele, scheene seelaschmeichelnde Blüta erfeua will. Recht wichtig en dene Zeita. Dr erschte von dene gestrengen Herren, dr Mamertus (Bischof von Vienne), soll am 11….

En dr aktuella „Käfighaltung“ send mir jâ zur kompletta Entschleunigong vrdammt. Irgendwia au schee. Bloss manchmâl wird mr nâ scho au uff a ganz extrema Prob‘ gstellt. Dass mr beim Bäckr mit dem gehöriga Abstand von a bissle mehr wia oin Meter ond fuffzig Zentimeter wartet, ond dâbei gelegentlich bis weit uff Strâß‘ naus stâht,…

Am Schorsch isch langweilig. Er hockt drhoim ond scho jetzt isch gnuag mit ausruha. Ond plötzlich fällt oim ei, was mr eigentlich schon lang hät doa solla. Zugeba, s’isch net grad s’schönschte Gschäft am Waschbecka a neue Syphon einzombau, weil dr alte schon seit Monat drialt. Es isch au net bsonders erbaulich uff am Carport…

Bekanntlich isch dr Schorsch jâ em alluminium-blonda Altr âkomma, ond ghört jetzt scheint’s auch zur bsonders Coronavirus gefährdeta Generation. Ond deshalb muss ihm au di Überlegong erlaubt sei. Die scheint’s zehmlich übrforderte Kanzlere hât doch jetzt tätsächlich gsagt, mir sollet onsere soziale Kontakte einstella, om onsere Alte – also au dr Schorsch – zom schütza….

Ja dâ haut’s oim doch dr Vogl naus. A wissaschaftliche Studie vom „National Bureau of Economic Research“ in de USA hât sich drmit beschäftigt, ob Dialektschwätzer in Deutschland uff am Arbeitsmarkt benâchteiligt send. Wichtig isch dene Wissaschaftler gwä, dass di Befrâgong in de Privathaushalt’ repräsentativ isch, ond sia hend so wia’s scheint auch mit onderschiedliche…

Helau, er duat’s scho wiedr. Bis vor fenf Jâhr isch dr Schorsch a ausgwiesanr Faschingsmuffl gwä. Vrkloidonga, Polonäsa ond rhytmische Bewogonga uff dr Tanzfläche nâch vorgegebene Regla ondr Eifluss von alkoholische Getränk’, des isch bis zom heutiga Tâg nex für ihn. Andrs sieht’s entzwischa mit am rheinischa Karneval aus. Enge familiäre Vrbendonga ens Weltkulturerbe Mittelrhein…