Sammlung: Dr Schorsch vrzählt

Zeah Jâhr hât’s scheint’s dauert, abr jetz isch dâ: Dr „Kleine Sprachatlas von Baden-Württemberg“, finanziert vom Land, von dr Eberhard Karls Universität en Tiebinga ond vom Förderveroi Schwäbischer Dialekt, isch jetzt abgeschlossa ond au druckt. Natürlich hât dr’Schorsch glei a Exemplar (Verlag Regionalkultur) zu Weihnachta gschenkt kriagt, ond er hât jâ jetzt âbends ab achte…

Dr Jâhreswechsl isch für dr Schorsch scho recht merkwürdig gwä. Toast „Hawaii“ en trautr Zwoisamkeit, statt em üblicha Floischfondue en nettr Rond’ mit der sonschd üblicha Möglichkeit, aus dene Floischrest’ no an kräftiga Gulasch am 1. Januar zom kocha. Zwar koin dicka Kopf am Neujahrstag, dafür ganz viel Zeit ond Langweil’. Nâ isch’s tatsächlich passiert,…

Zom erschta Mâl en seim Leba isch dr Schorsch sprachlos, weil diesmâl muass’r am Heiliga Âbend drhoim hocka. Ach wia hâtr’s sich no am Montag gfreit, wia’r sich für dr Heilig-Âbend-Gottesdienst uff em Schlosshof âgmeldet hât, ond au glei dui Bestädigong kriagt hât, dass’r dabei sei därf. Jetzt isch am Donnerstich dia Bestätigong wiedr zrückgnomma…

Ach herrjemine, jetzt wird’s abr zehmlich phäb. Bloß no zwölf Tag’ bis zom Heiliga Âbend. S’isch klar, mr hät’s wirklich scho a bissle frühr merka kenna, weil überäll strahlet d’Lichtla, d’Kerza brennat in fascht älle Zemmr, Engl standet rom ond s’duftet au gelegentlich nach Weihnachtsbrötle. Abr dia Gschenkle, dia muas dr Schorsch tatsächlich no bsorga….

Di schwäbische Küch’ isch voll von schräge Eigaheita, bsonders wenn’s om dia Bezeichnonga von so manche Leckreia gâht. „Herrgottsbscheißerla“ für dia schwäbische Maultascha gehörat dabei zua de nettere Varianta. Schlüpfrig wird nâ scho bei de „Buabaspitzle“, wia mr dâ bei ons Schupfnudla nennt. Fast scho krass wird’s bei de Backware. Â ganz fei’s Schmalzgebäck hoißt…

Morga isch dr erschte Advent. Gott sei Dank, möcht’ mr saga. Weil jetzt sott jâ di Zeit des Mitanandr âfanga. Des isch grad em ohsäglicha Jâhr 2020 zemlich wichtig. Mr hât nähmlich seit a paar Wocha dr Eidruck, übräll herrscht so latente Ohzfriedaheit, di sich en ra permanta Aggresivität zeigt. Wer kennt’s net: Beim Eikaufe…

Also langsam wird’s au em Schorsch zviel. A gschlechterneutrale Sprâch mit dem ideologischa K(r)ampf, des kâ mr jâ als schwäbischr Muttsprâchlr oifach no ignoriera. Au des ohsennige Guatmenschdoa, bei dem vor ällr „politischr Korrektheit“ jetzt koine Mohraköpf odr Zigeunrschnitzel meh’ essa därf, zerlegt sich ganz von alloi: Dr ohgeignete Vrsuch einr anitrassistischen Sprâch führt sich…

Mr sott fascht nâch Bonn, Bochum odr Mannheim omzieha, weil dort isch dr Super-E10-Sprit am billigsta. Abr i glaub so weit sott mr dr schwäbische Sparwille doch net treiba, obwohl – weil der Super-E10-Sprit grad om Stuagert rom am teuersta isch, kommt mr doch a bissle ens grübla. A Diesl-Auto wär’s jetzt, weil der Kraftstoff…

Heidanai, jetzt wird’s abr höchste Eisabâh’. Heut send’s grad âmol no 48 Tag, nâ isch Weihnachta. Dr kalte Schwoiß stâht em Schorsch jetzt uff dr Stirn. Noi s’gâht net om dia Gschenkla für die Lieben. Dia könnt mr zur Not en dem Jâhr au no direkt von dene Großvrsendr direkt zu de Kendr ond Enkl…

Dr Schorsch hât a neue Leidaschaft, weil’s halt zurzeit oifach ohsennig langweilig isch. Er studiert mit gröschtr Begeisterong Gebrauchsâweisonga. Sei neuschte Entdeckung, die hât’s em Wortsenn en sich: „Die Popzeit variiert je nach Mikrowellentyp. Beobachten Sie den Popvorgang. Der Beutel muss sich ungehindert aufblähen und bei Geräten mit Drehsteller drehen können. Achten Sie während der…