Autor: Jürgen "Schorsch" Kunz

Helau, er duat’s scho wiedr. Bis vor fenf Jâhr isch dr Schorsch a ausgwiesanr Faschingsmuffl gwä. Vrkloidonga, Polonäsa ond rhytmische Bewogonga uff dr Tanzfläche nâch vorgegebene Regla ondr Eifluss von alkoholische Getränk’, des isch bis zom heutiga Tâg nex für ihn. Andrs sieht’s entzwischa mit am rheinischa Karneval aus. Enge familiäre Vrbendonga ens Weltkulturerbe Mittelrhein…

Vrfallet mr oifach mâl wiedr en Panik. Mir Deutsche send scho an komisch’s Völkle. Wenn irgendwo uff dr Welt ebbes passiert, nâ bricht bei ons dr nackige Übrlebenkampf aus. Erinnera mr ons an Vogl- odr Schweingrippe, an dr Rendwahnsinn, odr au an’s Waldstreba. Emmer send mr en dia blanke Vrzweiflong ausbrocha, hend praktisch mit der…

Er ziert s’Gsicht, übrwiegend bei de Männer. Dr Schorsch schreibt heut’ übr dr Bart. S’gibt’n jâ en älle Facette vom Drei-Tag-Bart, übr das denne Menjou-Bärtle und seim Vetter, am „Porno-Balka“, bis zom mächtig ausladenda Vollbart, der heut’ zom Teil bis ens letzschte ondolierte Barthärle drapiert isch. Für dr Schorsch gibt’s bloss oin Bart, ond zwar…

S’gibt dia bsondere Moment, dia, wenn mr se vrgisst, ohwidrbrenglich dahin send. Dr Schorsch leidet a weng, weil’r geschtern Âbend kurz nâch dr Tagesschau di für den Tag bedeutende Uhrzeit 20 Uhr, 20 Minuta, 20 Sekonda em Jâhr 2020 – also 20.20:20 2020 – net bewusst genossa hât. Ach je. Bloss, mr muss au des…

Am Schorsch sei Großvatr isch sei Held gwä: Er hât’s Fahrrädle repariera könna, hât Drache baut, hât erklärt, uff was mr beim Hühnrfüttra uffpasse muas, hât oin ens Gmüsgärtle mitgnomma ond hât irrsennige Gschichtla vrzähle könne, au von wahrlich net scheene Zeita. Jetzt isch dr Schorsch selbr Großvatr, ond was passiert grad? Der gegaseitige Respekt…

Hoffentlich send‘r älle guat ens neue Jâhr niebergschlupft. Dr Schorsch hât sich a bissle mit ma inwändige Virus romplâgt, was abr au sei Guat‘s gkeht hât. So hât‘r letztendlich den ganza alte Dreck em alte Jâhr zrücklassa kenna. Zwangsweis‘ send na au öffentliche Toiletta dia bevorzugte Âlaufstationa für ihn gwä, mit doch recht ârüchige Werbeidea….

Ach Gottle, wia schee. Oabhängig von dr CO2-Bilanz ond dem dâraus resultierenda Weltondrgang knallet dia elektrische Adventslichtr jetzt wiedr en d’Nacht nei. S’isch a wahre Pracht, wia die Innastädt, dia Vorgärta, Fenschtr rond Fassada wiedr strahlet. Ganz egal, ob dene Stromzählr, sehr zur Freid von dr EnBW, schwendlig wird, s’wird en dr Adventszeit beleuchtet, was…

S’gibt Hoffnong. Bei viele stâht der dreimâlgscheite schwarze Bolla uff am Tisch, der uff fast älles a Antwort hât. Lampa aus ond âmacht ond wenn’s sei muss au no Musik spielt: Alexa hoißt des Apparätle des der riesige Hausrat-, Büchr, Film- ond sonstiga Bedarf-Lada Amazon uff dr Markt schmeißt. Vrmutlich schwätzt des elektronische Mädle bald…

Heidanei, was send denn dia Tübenger Forscher für Käpsala: A Forschungsteam um Madelaine Böhme hât rausgfonda, dass dr uffrechte Gang net en Afrika erfonda worda isch, sondern em Ostalläu. Aus vrstoinerte Knocha vom ma Zwischadeng zwischa Aff’ ond Mensch henn se – wia au emmr dia des gmacht henn – festgstellt, vor meh’ als zwölf…

Gott sei Dank s’isch vorbei, weil dia Augareng send emmer donkler worda. Au dia 30. Hitparad’ em Südwestrondfonk seit 1989 hât dr Schorsch wiedr âghorcht, ond des hauptsächlich mit de Ohrschtöpsl en dr Nacht. Net bloss, dass oim am Morga dia Ohrlappe feurrot glühet, au der Schlâf isch net ganz so erholsam, wenn oin des…