Zwoi Sacha henn en dera Woch’ dr Schorsch so richtig zornig gmacht. Noi, net dr Alex mit seine Schtolperer aus Bad Cannstatt. Dâ henn doch am Mondich dia Grasdackl von dr Weltgsondheitsorganisatio (WHO) so richtig oin nausghaue: wenn mr reglmäßig Wurscht odr Schenka esse dät, nâ dät sich des Risiko von Darmkrebs erhöha. Jesses noi,…

Heut‘ soll mâl onser französche Seit‘ a bissle ondersucht werda. Emmr wiedr send dia Kerle von dr „Grand Nation“ bei uns durchdappt, Hugenotta hend ihr Zuaflucht bei ons gefonde, beim Adel en Württemberg isch ettliche Jâhr s’Französisch ganz elegant gwä ond s’hât au reichlich Studenta geba, wo ebe fränzösisch gschwätzt henn. Uffgschlossa, wia mir Schwâbe…

Altweibrsommr henn mr, ond zwar oin, wia gmâlt. Was für a schöne Zeit: Trauba, mit ma Gschmack, wo oim s’Wassr en freudigr Erwartong uff an prächtiga Wei’ en dr Gosch dzammalaufa lässt, Blättr an de Bäum’, wo sich farbafroh vrfärbet, a milde Sonn’, wo oim so recht s’Herzle wärmt, ond ebe au Kürbis (siehe „Schorsch“…

Meine Güte, wo i nâguck, übrall vrfolget mi dia orangene Monschtrum. Dâ wird mr scho grad übrzwech. Wenn mr aus dene Kürbis an Goischt für d’Haustür schnitzt ond Kendr sich freuat, wenn dr Vatr sich mit ma scharfe Küchamesserle en d’Fenger neisäbelt, guat, nâ isch des jâ völlig en Ordnung. Vielleicht kâ mr’s au no…

Es duat ja oim net grad schada, wenn mr gelegentlich sein Denkmuskel a bissle trainiert. Ond weil mr jâ a moderner Mensch isch, plâgt mr sich net mit de große, alte Denkr rom, noi mr beschäftigt sich mit oim von de bekannteschte Wissaschaftler, wo’s heut’ gibt: Dem Engländr Stephen William Hawking. Der isch so gscheit,…

Heut‘ schtellt sich di Frâg, ob’s politisch no korrekt isch, wenn mr „Bettler“ schreibt. Uff jeden Fall, hann i en de letzschte Tag oin so an Kerle hier bei ons beobachtet. Der isch also an exponierta Schtell en dr Fußgängrzon‘ ghockt, hât intensiv em ma Buch glesa ond vor sich a Bappadeckl-Schild ghet, mit dem’r…

Völlig aus dr Zeit isch jetzt dr Schorsch gfalla. Worom? Er isch a bekennendr Net-Fahrrad-Fahrer. Weil mr erschtens en dr Mitte vom vierta Jâhrtausend vor Chrischtus des uff ra Achs’ sich drehende Rad erfonda hât ond a bissle schpäter dr Carl Benz – i geb’s zu, der Prachtkerle isch en Karlsruh’ gebora – sein „Patent-Motorwagen…

Jâhrzehntelang hât dr Schorsch glaubt, dr Schillerwei’ hätt’ sein Nâme vom Friedrich, der wo en Marbach uff d’Welt komma isch ond so wondrbare Schauschpiel wia „Die Räuber“ odr dr „Wilhelm Tell“ gschrieba hât. Des hätt’ au guat basst, weil den Wei’ gibt’s jâ bloß bei ons. En ra Mußestond hann i em ma kloine Büchle…

Des hât jâ jetzt net so klappt mit dem Müßiggang ond dera Muße seit letzschta Samstag. Abr des isch jâ au koi Wondr, mit dem, was dr’Schorsch en de letzschte Tâg vrleba müssa hât. Er hât’s jâ grad no vrkraftet, wia dia Temperatura om fascht 30 Grad en dr Kellr gfahra send ond wia’r em…

Wer kennt des net, des eigentlich allgegawärtige Sprichwort bei ons Schwâbe: „Müßiggang ist aller Laster Anfang.“ Ond des henn mir vrennerlicht: Mir schaffet emmer: Em Häusle wird ständig ebbes repariert, em Gärtle wird pflanzt, gossa, ghackt ond Okraut rauszopft, en de Wengert gießet se ond gucket ob älles fei wächtst, em Gschäft send Schwâbe meischt…