Dr Schorsch vrzählt

Jesses noi isch des a Hitz‘. Di Sonn‘ bräggelt uff ons na ond drocknet oim fascht s’Hirn aus. Ond des mit em Hirn austrockna, des kâ mr bei einiga Zeitgenossa en dem Sommer scho fascht wörtlich nemma. Emmer meh‘ lasset sich jâ mit ra Nâdl ond Farb ällerlei domms Zeug’s en dr Wanscht neistecha. Des…

D’Mehrzahl von ons Schwâbe möget Floisch ond Wurscht. Wia kennt’s andersch sei, weil Roschtbrâte uff Saurkraut mit Buabaschpitzle, a prächtigr Schweinebrâte odr gar im Nudeltoig versteckt’s Brät bei de Maultasche zu onsere Lieblengsesse ghöret – und Linsa mit Schpätzle ond Soitawürtschtla nach em große Fernsehturm, am no größera Stuttgart eben des Allergröschte send. Somit hât…

Jetzt hen se doch endlich a neue Erd’ – odr wia se neudeutsch saget, a „Erde 2.0“, – gefonda. Dera Durchmesser isch 60 Prozent größr wia bei ons ond sia isch rond 1,5 Milliarda Jährla ältr wia onser Sonn’. Dia NASA-Forschr glaubt sogar, es dät dort a paar Bergla ond Meerla gäba. Ob’s Leut’ dort…

Wia mr en dera Woch’ en dr Bietigheimer, Sachsenheimer, Bönnigheimer Zeitung lesa könna hât, ziaget dr Obscht- ond Gartebauvroi ond di Stadtvrwaltong en Bönniga an oim Strang, wenn’s drom gâht, an Zuaschuss für des Schneide von dene alte Obstböm uff de Streuobstwiesa zom kriage. Emmerhin 15 Euro hât’s Land en Aussicht gschtellt ond des sogar…

Onser Landesverwaltong isch ja net grad für ihrn ausprägta Humor bekannt. Doch am Donnerschtich hât se sich uff ihrer Facebook-Seite „bw-jetzt“ – di a bissle steif „Werbe- und Sympathiekampagne ,Wir können alles. Außer Hochdeutsch’ des Landes Baden-Württemberg“ hoißt – doch selbr übrtroffa und 32 luschtige Gmoindenâme em Ländle vröffentlich ond uff ra entraktiva Kart’ au…

Menschenskind, was für a schier oglaubliche Pressekonferenz hât mr en dera Woch’ erleba dürfa. Dâ hockt dr neue Trainr von onsere Kicker aus Bad-Cannstatt uff em Podium, ond was macht’r? Er schwätzt em schönschta Schwäbisch von dr Oschtalb ond älle verschtandet ehn. Selbscht em in dr Luthersprâch ondrwanderta ond von dr Zwangsabgab’ von ons älle…

Jesses noi, onsre Hellena. Seit etliche Monat’ spielet se zom Tanz uff, des hoißt, sia tanzed de andre en Europa uff dr Nâs rom. Ois isch uff jeden Fall sichr, sia send wohl jeda Dag für å Schlagzeil guat. Griachaland en dr Zeitong, Griachaland em Fernseha ond Radio, Griachaland em Internet. Dâ hât sich wohl…

Dr Profifußball von de Männr macht grad Urlaub. Was macht mr nâ? Mr glotzt halt di Weltmeischtrschaft von de Mädla em weit entfernta Kanada. Ond was soll mr sage, als net grad vrwöhnter Âhängr von de Cannstattr Kickr? Onsre Mäda könnet mit dera Ledrkugl omgânga ond send auch taktisch guat. Obwohl se vor am Tor…

Tausende von Leut‘ send jetzt en Stuagert ond feiert dort dr Kirchatag. Wia nötig des Kirchatags-Motto „damit wir klug werden“ isch, des hât mr jetzt au an a paar Randerscheinonga festschtella müssa. Am Rand hât’s nâ wirklich a paar Vrsprengte gebba, die wo gar koi Freud‘ an dem freudvolla Treffa von de Evangelische uffkomma lasse…

Jetzt ben i heut’ genau 21 290 Tag alt, ond i han ebbes vrsäumt, was i ab Mondich nemme nâchhola kâ. En dera langa Zeit ben i nämlich no nia em ma Paternostr gfahra. Vielleicht isch des au guat so, weil des Mitfahra en dene historische Uffzüg’ muas jâ scho extrem gefährlich sei, ond wia…