Jahr: 2017

Oh moderne Zeita! Emmr meh‘ ganget dia gschriebene Sätz‘ dr Bach na. Mir lebet en moderne Zeite mit Smartphone ond Tablet. Ond hât mr no bis vor Kurzem seine Frâge odr Nâchrichte in dia Apperätla neitippt, so macht mr des jetzt so, dass mr neischwätzt. Egal ob mr nâch r‘Route sucht, ebbes wissa will odr…

Fraua send bekanntlich für ons Männr die gröschte Mysteria. Ond dia viele Frâge, dia sich om den „schöne Geschlecht“ rankat, henn sich in de letzschte Tâg nomâl vrvielfacht, wia dr Schorsch an scheene Mittag em ma Straßacafé vrweilt hât. Älle Fraua, egal ob zwölfjährigr Teenager oder 85 Jâhr alte Oma, henn ois gemeinsam: Älle henn…

Jetzt henn onsere Wengerter doch no a richtigs Glück ghet. Dr Jâhrgang 2017 isch fascht glesa ond en de Fässer, ond was soll mr sage? Dia schlemmste Befürchtonga nâch dera Saukälte em April send net eitreta. S’gibt also wiedr an feine Tropfa, Menge ond Qualität datet schtemma, saget dia, wo’s wissa misset. Worom fällt am…

Des isch a Deng. Jetzt isch doch dr Bönnigheimr Veroi „Hischtorische Gsellschaft“ genau heut’ vor 40 Jâhr im Rössle gründet worda. Ond seither isch dr Scherba-Kurtle dr Vorsitzende. Vier Jahrzehnt! Naja, saget mr amol so, für an Gschichtsveroi send natürlich 40 Jâhr koi große Sach’. Dia denket en ganz andre, ohoimlich lange Dimensiona, was jâ…

Des woiß jâ jedr, morga isch Wahlsonntagtag. Mr muas sich also mâl wiedr entscheida. Oje, des fällt schwer. Was soll mr also kocha. Entwedr mr wählt an bodaschtändiga Hackbrate, eventuell dät au an Saurbrâte ganga, vegetarisch isch uff jeden Fall koi Alternativ’, chinesisch, womöglich mit Curry, des gâht am Sonntag net. Über dia restschliche Möglichkeiten,…

Dr Schorsch hât an Freind wo a Kloikunschtbühne betreibt. Der hât wiedr vom Freind a fascht 1,5 Meter hohe Bierflasch gschenkt kriegt, di’r vor seim Haus uffgschtellt hat ond di sich bei Wend dreht. Ganz witzig ond fascht schon kunschtvoll hât’r di Bierflasch beschriftet ond a bissle Werbung für die schwäbisch Kultur drmit gmacht. Ganze…

Es wird herbschtlich. Mr merkt’s morgens, weil’s kühl ond feucht isch, ond abends, weil’s kühl ond schnellr donkl wird. Ond mr merkt’s, weil se jetzt wiedr dia ohnötigste Frücht dr Welt âbieta. Gelb send se ond mit Noppa ond en de ohmeglichschte Forma ond au riesig groß. Jâ genau, dr Schorsch moint die Kürbis, dia…

Herbscht isch Erntezeit. Normalrweis. Dia Tag isch dr Schorsch durch Schtreuobstwies dappt, ond was’r gseah hât, des hât’m wirklich s’Wasser en d’Auga trieba. Was hât’r am Âfang vom Jâhr für große Plä’ ghet. An Teil von dene Äpfl ond Birna, dia dätet an feine Most geba, an andre Teil von de Birne, die kennt’ mr…

Es isch scheint’s jetzt Wahlkampf. Des Ganze isch allerdengs en dem Jâhr am zehmlich langweilige Sach’. Dâ hât mr en de vrgangene Jahrzehnt’ schon ganz andre Dengr erlebt. Dâ henn dia Kontrahenda mit härteschte Bandage gegaandr doa. Jetzt hänget se halt ihre Plakätla an Strâß nâ. Ond wenn mr oinige von dene genau aglotzt, so…

Abandrsee hât sich dr Schorsch denkt, ond hât sich ens Auto ghockt. Bloss wo nâ? So ganz oifach isch des jâ bei ons net. Also hât‘r sich dr Große Brombachsee em fränkischa Nâchbrbondesland ausguckt. Arg schee isch‘s dort, ond zemlich ruhig. Sogar zemlich arg ruhig. So ruhig, dass mr net amol en Internet-Empfang hât. Heidenei,…